ദോഹ: ഖത്തര്‍ ലോകകപ്പിന് നാളെ വിസില്‍ മുഴങ്ങും. നാളെ വൈകിട്ട് ഖത്തര്‍ സമയം അഞ്ച് മണിക്കാണ് ഉദ്ഘാടന ചടങ്ങുള്‍ അല്‍ ബൈത്ത് സ്റ്റേഡിയത്തില്‍ നടക്കുക. ഇന്ത്യന്‍ സമയം രാത്രി 9:30 ന് അല്‍ ബയ്ത്ത് സ്റ്റേഡിയത്തിലാണ് മത്സരം. ഉദ്ഘാടന മത്സരത്തില്‍ ആതിഥേയരായ ഖത്തര്‍ ഇക്വഡോറിനെ നേരിടും. ഇന്ത്യയില്‍ നിന്നും ഉപരാഷ്ട്രപതി ജഗ്ദീപ് ധന്‍കര്‍ ഉദ്ഘാടന ചടങ്ങില്‍ പങ്കെടുത്തേക്കും.ലോകമെമ്പാടുമുള്ള ഫുട്ബോള് ആരാധകരുടെ നാല് വര്‍ഷത്തെ കാത്തിരിപ്പിനാണ് നാളെ വിരാമമാകുന്നത്.
നവംബര്‍ ഇരുപതില്‍ തുടങ്ങി 29 രാവുകളില്‍ ലോകമാകെ ആ വെളിച്ചം പരക്കും. 800 കോടി ജനങ്ങളില്‍ 831 പേര്‍ മാത്രം കളിക്കുന്നതിനെ ലോകം മുഴുവന്‍ കണ്ടിരിക്കും. 195 രാജ്യങ്ങളില്‍ 32 രാജ്യങ്ങള്‍ മാത്രം കളിക്കുന്നത് കാണാന്‍ 12 ലക്ഷം പേരെങ്കിലും ഖത്തറിലെത്തും. ഗോത്ര വിഭാഗങ്ങളുടെ കൂരയോടുപമിക്കുന്ന അല്‍ബെയ്ത്ത് സ്റ്റേഡിയവും തൊപ്പി പോലെ തിളങ്ങുന്ന അല്‍ തുമാമയും പരമ്പരാഗത പായ്ക്കപ്പലിനെ ഓര്‍മിപ്പിക്കുന്ന അല്‍ ജനൂബും അവരെ വരവേല്‍ക്കും.
ജൂണിലെ രാത്രിമഴയ്ക്കൊപ്പം മഴയാരവം പോലെ വന്നിരുന്ന ലോകകപ്പിന് ഇത്തവണ നവംബറിന്റെ തണുപ്പാണ്.
ഇതിഹാസ താരങ്ങളായ ലയണല്‍ മെസ്സിയുടെയും ക്രിസ്റ്റ്യാനോ റൊണാള്‍ഡോയുടേയും അവസാന ലോകകപ്പ് കൂടിയാകും എന്ന പ്രത്യേകത കൂടി ഖത്തറിനുണ്ട്. അതിനാല്‍ തന്നെ തങ്ങളുടെ പ്രിയ താരങ്ങള്‍ കപ്പില്‍ മുത്തമിടുന്നത് കാണാനുള്ള ആഗ്രഹത്തിലാണ് ഇരുവരുടേയും ആരാധകര്‍
