തിരുവനന്തപുരം: ബ്രൂവറി, ഡിസ്റ്റിലറി അനുമതികള് റദ്ദാക്കിയത് വിവാദങ്ങള് ഒഴിവാക്കാനാണെന്ന് എക്സൈസ് മന്ത്രി ടി.പി. രാമകൃഷ്ണന്. പൊതുവായ ആവശ്യങ്ങള്ക്ക് ഒരുമിച്ച് നില്ക്കാന് വേണ്ടിയുള്ള ചെറിയ വിട്ടുവീഴ്ച മാത്രമാണ് ഇതെന്നും ബ്രൂവറി അനുമതിക്കുള്ള നടപടിക്രമങ്ങളില് പിശകില്ലെന്നും അദ്ദേഹം മാധ്യമങ്ങളോട് പറഞ്ഞു.
ഉത്തരവുകളില് വിവാദങ്ങള് വന്നാല് റദ്ദാക്കും. ബ്രൂവറി, ഡിസ്റ്റിലറി ഉത്തരവ് റദ്ദാക്കാന് മുഖ്യമന്ത്രിക്ക് അധികാരാമുണ്ട്. ഉത്തരവ് റദ്ദാക്കിയത് വകുപ്പിന്റെ മാത്രം തീരുമാനമല്ലെന്നും മന്ത്രി പറഞ്ഞു. മൂന്ന് ബ്രൂവറികള്ക്കും ഒരു ഡിസ്റ്റിലറിക്കും നല്കി അനുമതി റദ്ദാക്കിയതായി മുഖ്യമന്ത്രി ഇന്ന് വാര്ത്തസമ്മേളനത്തിലാണ് വ്യക്തമാക്കിയത്. പ്രളയാനന്തര പ്രവര്ത്തനങ്ങള് നടക്കുന്ന ഈ സമയത്ത് എല്ലാവരും ഒരുമിച്ച് നില്ക്കേണ്ട സാഹചര്യം കൂടി പരിഗണിച്ച് നടപടിയില് നിന്നും പിന്മാറുകയാണെന്നാണ് മുഖ്യമന്ത്രി നല്കിയ വിശദീകരണം.
