ഡല്ഹി:മുല്ലപ്പെരിയാര് പ്രശ്നത്തില് പ്രധാനമന്ത്രി അടിയന്തിരമായി ഇടപെട്ട് കേരളത്തിലെ ലക്ഷക്കണക്കിന് ജനങ്ങളുടെ ആശംങ്കയകറ്റണമെന്നും ആവശ്യപ്പെട്ട് ഡീന് കുര്യാക്കോസ് എം.പി. പ്രധാനമന്ത്രിക്ക് കത്ത് നല്കി. ന്യായോര്ക്ക് ടൈംസ് പ്രസിദ്ധീകരിച്ച റിപ്പോര്ട്ടില് ലോകത്തിലെ ഏറ്റവും പഴക്കം ചെന്നതും എന്നാല് ഏറ്റവും ഭീഷണി നേരിടുന്നതുമായ അണക്കെട്ടുകളില് ഒന്നാം സ്ഥാനത്ത് മുല്ലപ്പെരിയാര് ഡാം ആണ്. ഇത് വിഷയത്തിന്റെ ഗൗരവം വര്ദ്ധിപ്പിക്കുന്നുവെന്നും എം.പി. പറഞ്ഞു.
മുല്ലപ്പെരിയാര് വിഷയത്തില് സുപ്രീംകോടതിയില് സമര്പ്പിച്ച റിട്ട് പെറ്റീഷനില് എം.പി എന്ന നിലയില് കക്ഷി ചേരുകയും ഇതുമായി ബന്ധപ്പെട്ടുള്ള നടപടിക്രമങ്ങള് ഇപ്പോഴും നടന്നുകൊണ്ടിരിക്കു
കയാണ്. രണ്ട് സംസ്ഥാനങ്ങള് ഒന്നിച്ചുള്ള ജോയിന്റ് ഇന്സ്പെക്ഷന്, ഷട്ടര് മാനേജ്മെന്റ്, ഡാമില് സ്ഥാപിച്ചിട്ടുള്ള അത്യാധൂനിക സുരക്ഷാ ഉപകരണങ്ങള് എന്നിവയെല്ലാം ജനങ്ങള്ക്ക് ആശ്വാസം നല്കുന്ന നടപടിയാണെങ്കിലും ജനങ്ങളുടെ ആശങ്കയകറ്റുന്നതിനുള്ള ശ്വാശ്വത പരിഹാരം പുതിയ ഡാം നിര്മ്മിക്കുക എന്നത് ആണ്.
ലോകത്ത് ഇന്ന് ഏറ്റവും പഴക്കം ചെയ്തിട്ടുള്ള അണക്കെട്ടുകള് എല്ലാം തന്നെ ഡീകമ്മീഷന് ചെയ്തുകൊണ്ടിരിക്കുകയാണ്. കഴിഞ്ഞ ദിവസം ലിബിയയിലും ഇന്ത്യയിലെ സിക്കിമിലും ഡാം തകര്ന്ന് നിരവധി ആള്നാശവും സ്വത്തുവകകളുടെ നാശവും ഉണ്ടായി.
തമിഴ് ജനതക്ക് ജലം നല്കുന്നതില് കേരളത്തില് ആരും എതിരല്ല. തമിഴനാടിന് ജലം, കേരളത്തിന് സുരക്ഷ എന്ന യുഡിഎഫ് സര്ക്കാരിന്റെ കാലത്തെ മുദ്രാവക്യം മുന്നില്വച്ച് ഈ പ്രശ്നം രമ്യമായി പരിഹകരിക്കുവാന് കേരള-തമിഴ്നാട് മുഖ്യമന്ത്രിമാര് അനുഭാവപൂര്വ്വം തയ്യാറാകേണ്ടതുണ്ടെന്നും എം.പി. പറഞ്ഞു.
ഇത് 2 സംസ്ഥാനങ്ങള് തമ്മിലുള്ള ആഭ്യന്തര പ്രശ്നമായി മാറാതെ രാജ്യത്തിന്റെ സുരക്ഷയെ ബാധിക്കുന്ന ഒരു മുഖ്യവിഷയമായി കരുതി രണ്ട് മുഖ്യമന്ത്രിമാരെയും വിളിച്ച് ചേര്ത്ത് ഈ പ്രശ്നം രമ്യമായി പരിഹരിക്കണമെന്നും അതിന് കേന്ദ്ര സര്ക്കാര് മധ്യസ്ഥത വഹിക്കണമെന്നും എം.പി. ആവശ്യപ്പെട്ടു.