തൃക്കാക്കര: കേരള വിദ്യാര്‍ത്ഥി യൂണിയന്റെ അറുപത്തി അഞ്ചാം ജന്മദിനം ആഘോഷിച്ച് യുഡിഎഫ് സ്ഥാനാര്‍ത്ഥി ഉമാ തോമസ്. എനിക്ക് ഏറെ പ്രിയപ്പെട്ട പ്രസ്ഥാനത്തിന്റെ ജന്മദിന ആഘോഷത്തില്‍ പങ്കാളി ആവാന്‍ കഴിഞ്ഞതില്‍ സന്തോഷമുണ്ട്. മനസ് നിറയെ മഹാരാജാസിലെ വിദ്യാര്‍ത്ഥി കാലഘട്ടമാണ്. എന്നെ ഞാനാക്കിയത് ഈ പ്രസ്ഥാനമാണ്. ഇപ്പോഴും കോളേജ് തിരഞ്ഞെടുപ്പുകള്‍ വരുമ്പോള്‍ ഓരോ ഇടങ്ങളിലെയും റിസല്‍ട്ട് ഞാനും പിടിയും കാത്തിരിക്കും.
കെഎസ്‌യു പ്രവര്‍ത്തനത്തിലൂടെ സാമൂഹിക പ്രതിബദ്ധതയുള്ള നല്ല വ്യക്തികളായി മാറാനാണ് നിങ്ങള്‍ ഓരോരുത്തരും ശ്രമിക്കേണ്ടതെന്ന് ഉമാ തോമസ് ആഘോഷത്തില്‍ കേക്ക് മുറിച്ച് ഉദ്ഘാടനം ചെയ്ത് കൊണ്ട് പറഞ്ഞു. കെ.എസ്.യു ജില്ലാ കമ്മിറ്റിയാണ് ആഘോഷം സംഘടിപ്പിച്ചത്.
ജില്ലാ പ്രസിഡന്റ് അലോഷ്യസ് സേവ്യര്‍ സംസ്ഥാന ജനറല്‍ സെക്രട്ടറി എ.എ അജ്മല്‍ സെക്രട്ടറി അസ്ലം പി.എച്ച് ജില്ലാ ഭാരവാഹികളായ മിവ, സഫല്‍ വലിയ വീടന്‍, ആനന്ദ് കെ ഉദയന്‍ , അല്‍അമീന്‍ അഷറഫ്, തുടങ്ങിയവര്‍ ആശംസയര്‍പ്പിച്ച് സംസാരിച്ചു.
