ഹൈദരാബാദ്: സിപിഎം ജനറല്‍ സെക്രട്ടറിയായി സീതാറാം യെച്ചൂരി തുടരും. തുടര്‍ച്ചയായ രണ്ടാം തവണയാണ് യെച്ചൂരി ജനറല്‍ സെക്രട്ടറിയാകുന്നത്.
95 കേന്ദ്രകമ്മിറ്റിയംഗങ്ങളില്‍ പത്ത് പേര്‍ പുതുമുഖങ്ങളാണ്. പുതിയതായി തെരഞ്ഞെടുത്തവരില്‍ മൂന്ന് പേര്‍ ബംഗാളില്‍ നിന്നുള്ളവരാണ്.വിഎസ് അച്യൂതാനന്ദന്‍ ഉള്‍പ്പടെ അഞ്ച് സ്ഥിരം ക്ഷണിതാക്കളുമുണ്ട്. കേരളത്തില്‍ നിന്നുള്ള മുതിര്‍ന്ന അംഗം പി.കെ.ഗുരുദാസനെ കേന്ദ്രകമ്മിറ്റിയില്‍ നിന്ന് ഒഴിവാക്കിയപ്പോള്‍ പകരം കെ.രാധാകൃഷ്ണനെയും എം.വി.ഗോവിന്ദനെയും കമ്മിറ്റിയില്‍ ഉള്‍പ്പെടുത്തി.
എസ് രാമചന്ദ്രപിള്ള പിബിയില്‍ തുടരാനാണ് സാധ്യത. പോളിറ്റ് ബ്യൂറോയില്‍ മാറ്റമൊന്നും വേണ്ടതില്ലെന്നും എസ്.രാമചന്ദ്രപിള്ളയ്ക്ക് പ്രായത്തില്‍ ഇളവ് നല്‍കി പിബിയില്‍ തുടരാന്‍ അനുവദിക്കണമെന്നും കാരാട്ട് പക്ഷം നിലപാടെടുത്തിരുന്നു.
