തിരുവനന്തപുരം: അനധികൃതമായി സൂക്ഷിച്ച 45 കിലോ ചന്ദനം പിടികൂടി. സംഭവുമായി ബന്ധപ്പെട്ട് ആറ്റിങ്ങല് തോട്ടവാരം അനില് ഭവനില് അനില് കുമാറിനെ വനംവകുപ്പ് ഉദ്യോഗസ്ഥര് അറസ്റ്റ് ചെയ്തു. രഹസ്യ വിവരത്തെ തുടര്ന്ന് നടത്തിയ റെയ്ഡിലാണ് ചന്ദനം പിടികൂടിയത്. അറസ്റ്റിലായ അനിൽകുമാറിൻ്റെ വീട്ടില് ആയിരുന്നു ചന്ദനം സൂക്ഷിച്ചിരുന്നത്.
വീടിനോട് ചേര്ന്നിരുന്ന സിന്തറ്റിക് വാട്ടര് ടാങ്കിനകത്തു ചെത്തിമിനുക്കിയ ചന്ദന കഷ്ണങ്ങള് ഒളിപ്പിച്ചിരിക്കുകയായിരുന്നു. ഏകദേശം നാല് ലക്ഷത്തോളം രൂപ വില വരുന്ന ചന്ദനമാണിത്. തിരുവനന്തപുരം കണ്ട്രോള് റൂം റെയ്ഞ്ച് ഓഫീസര് സലിന് ജോസ്, ചുള്ളിമാനൂര് ഫ്ലയിംഗ് സ്ക്വാഡ് റെയിഞ്ച് ഓഫീസര് വി.ബ്രിജേഷ് എന്നിവരുടെ നേതൃത്വത്തിൽ നടന്ന റെയ്ഡിൽ ആണ് ഇത് പിടികൂടിയത്.
