രാജ്യത്ത് ഏര്പ്പെടുത്തിയ രാത്രികാല നിയന്ത്രണങ്ങള് ഇന്നു മുതല് പ്രാബല്യത്തില്. രാത്രി പത്ത് മുതല് രാവിലെ അഞ്ച് വരെയാണ് നിയന്ത്രണം. ഡിസംബര് 30 മുതല് ജനുവരി 2 വരെ ദേവാലയങ്ങളിലും മറ്റ് പൊതുയിടങ്ങളിലും ഉള്പ്പെടെ നടത്തുന്ന മത, സാമുദായിക, രാഷ്ട്രീയ, സാംസ്കാരിക, സാമൂഹിക കൂടിച്ചേരലുകള് അടക്കം ആള്ക്കൂട്ട പരിപാടികള്ക്ക് കര്ശന നിയന്ത്രണമാണ്.
കടകള് രാത്രി 10 മണിയ്ക്ക് അടയ്ക്കണം. അനാവശ്യ യാത്രകള് അനുവദിക്കില്ല. തിയേറ്ററുകളിലെ സെക്കന്റ് ഷോയ്ക്കും വിലക്കുണ്ട്. ആള്ക്കൂട്ടവും അനാവശ്യ യാത്രകളും അനുവദിക്കില്ല എന്നും നിര്ദേശമുണ്ട്.
അതേസമയം ശബരിമല -ശിവഗിരി തീര്ത്ഥാടകരെ നിയന്ത്രണങ്ങളില് നിന്ന് ഒഴിവാക്കി. അടിയന്തര ആവശ്യങ്ങള്ക്ക് പുറത്തിറങ്ങുന്നവര് സ്വയം സാക്ഷ്യപത്രം കൈയില് കരുതണം. കടകള് രാത്രി 10 മണിയ്ക്ക് അടയ്ക്കണം.
വാഹന പരിശോധന കര്ശനമാക്കും. ലംഘിക്കുന്നര്ക്കെതിരെ കര്ശന കര്ശനമായ നിയമ നടപടി സ്വീകരിക്കും. രോഗവ്യാപന തോത് പരിഗണിച്ച് നിയന്ത്രണം നീട്ടുന്നതില് സര്ക്കാര് തീരുമാനമെടുക്കും. വലിയ ആള്ക്കൂട്ടം ഉണ്ടാകാന് സാധ്യതയുളള ബീച്ചുകള്, ഷോപ്പിംഗ് മാളുകള്, പബ്ലിക് പാര്ക്കുകള്, എന്നിവിടങ്ങളില് പൊലീസ് ഉദ്യോഗസ്ഥരെയും സെക്ടറല് മജിസ്ട്രേറ്റുകളെയും വിന്യസിക്കും.
അതേസമയം രാജ്യത്തെ ഒമിക്രോണ് വ്യാപനത്തിന്റെ പശ്ചാത്തലത്തില് ജനുവരി 31 വരെ നിയന്ത്രണങ്ങള് തുടരുമെന്ന് കേന്ദ്ര ആരോഗ്യ മന്ത്രാലയം അറിയിച്ചിരുന്നു. നിയന്ത്രണങ്ങള് സംബന്ധിച്ചുള്ള ഉത്തരവ് ആഭ്യന്തര മന്ത്രാലയം പുറത്തിറക്കിയിരുന്നു.
