അമേരിക്കയില് രണ്ടാമത്തെ കൊവിഡ് ഗുളികയ്ക്ക് അംഗീകാരം. ഫൈസറിന്റെ കൊവിഡ് ഗുളികയ്ക്ക് അംഗീകാരം നല്കിയതിനു പിറ്റേ ദിവസമാണ് രണ്ടാമത്തെ ഗുളികയ്ക്ക് കൂടി യുഎസ് ഫൂഡ് ആന്ഡ് ഡ്രഗ് അഡ്മിനിസ്ട്രേഷന് അംഗീകാരം നല്കുന്നത്. മെര്ക്ക് എന്ന കമ്പനിയാണ് പുതിയ ഗുളികയുടെ നിര്മാതാക്കള്.
കൊവിഡ് ബാധിച്ച് അഞ്ച് ദിവസങ്ങള്ക്കുള്ളില് ഗുളിക കഴിക്കണം. അങ്ങനെയെങ്കില് മരണവും ആശുപത്രി വാസവും 30 ശതമാനത്തോളം കുറയ്ക്കുമെന്ന് കമ്പനി അവകാശപ്പെടുന്നു. ഫൈസര് ഗുളിക 90 ശതമാനം കുറയ്ക്കുമെന്നാണ് അവകാശപ്പെട്ടത്. രണ്ട് ഗുളികകളും വാക്സിനു പകരമാവില്ലെന്ന് ഫൂഡ് ആന്ഡ് ഡ്രഗ് അഡ്മിനിസ്ട്രേഷന് പറഞ്ഞു.
അതിസാരം, രുചി അറിയുന്നതില് ബുദ്ധിമുട്ട്, ഛര്ദ്ദില് എന്നിവകളാണ് ഫൈസറിന്റെ ഗുളികയുടെ സൈഡ് എഫക്ടുകള്. ഗര്ഭിണികളോ മുലയൂട്ടുന്ന സ്ത്രീകളോ ഗുളിക ഉപയോഗിക്കരുതെന്നും നിര്ദ്ദേശമുണ്ട്.