74-ാമത് റിപ്പബ്ലിക്ക് ദിനാഘോഷത്തിനായുള്ള ഗംഭീര തയ്യാറെടുപ്പിലാണ് രാജ്യം. റിപ്പബ്ലിക് ദിനാഘോഷത്തിന് നിര്മ്മാണ തൊഴിലാളികളെയും തെരുവു കച്ചവടക്കാരെയും ക്ഷണിച്ച് പ്രധാനമന്ത്രി. റിപ്പബ്ലിക് ദിനാഘോഷങ്ങളില് അതിഥികളായാണ് ക്ഷണം. കര്ത്തവ്യ പഥ നിര്മ്മാണത്തില് പങ്കെടുത്ത തൊഴിലാളികള്ക്കാണ് ക്ഷണം. ഈ വിഭാഗത്തിലെ 850 പേര് റിപ്പബ്ലിക് ദിനാഘോഷങ്ങളില് പങ്കെടുക്കും.
അതിന്റെ അടിസ്ഥാനത്തില് ഇത്തവണ കര്ത്തവ്യ പാതയില് നടക്കുന്ന റിപ്പബ്ലിക് ദിന പരേഡില് 9 റാഫേലും നേവിയുടെ കഘ എന്നിവയുള്പ്പെടെ മൊത്തം 50 യുദ്ധ വിമാനങ്ങള് പങ്കെടുക്കുമെന്നാണ് റിപ്പോര്ട്ട്. ഇന്ത്യന് നേവിയുടെ കഘ38 ആദ്യമായാണ് റിപ്പബ്ലിക്ക് പരേഡില് പ്രദര്ശിപ്പിക്കുന്നത് ഇത് ഒരുപക്ഷെ അവനമായിട്ടായിരിക്കാം എന്നാണ് മുതിര്ന്ന കഅഎ ഉദ്യോഗസ്ഥന് പറഞ്ഞത്. കഘ38 ഇന്ത്യന് നാവികസേനയില് 42 വര്ഷത്തോളം സേവനമനുഷ്ഠിച്ച സമുദ്ര നിരീക്ഷണ വിമാനമാണ്.
അതേസമയം റിപ്പബ്ലിക് ദിനത്തില് ഇന്ത്യയുടെ മുഖ്യാതിഥിയായി ഈജിപ്ഷ്യന് പ്രസിഡന്റ് അബ്ദുല് ഫത്താ അല് സിസി എത്തും. 180 പേരടങ്ങുന്ന സൈന്യവും അല് സിസിക്കൊപ്പം ഇന്ത്യയിലെത്തും. ഈജിപ്ഷ്യന് സൈന്യവും റിപ്പബ്ലിക് ദിന പരേഡില് പങ്കെടക്കും. 75 വര്ഷമായി ഈജിപ്തുമായി നയതന്ത്ര ബന്ധം തുടരുന്നതിന്റെ ഭാഗമായാണിത്.
പടിഞ്ഞാറന് ഏഷ്യന് രാജ്യങ്ങളില് നിന്നും ഇന്ത്യയുടെ അതിഥിയാകുന്ന അഞ്ചാമത്തെ വ്യക്തിയാണ് അല് സിസി. ജനുവരി 24ന് അല് സിസി ഇന്ത്യയിലെത്തും.