സംസ്ഥാന സര്ക്കാരിന്റെ ഹൃദ്യം പദ്ധതിയിലൂടെ 5,041 കുഞ്ഞുങ്ങള്ക്ക് സൗജന്യ ഹൃദയ ശസ്ത്രക്രിയ നടത്തിയെന്ന് മന്ത്രി വീണാ ജോര്ജ്. ഈ വര്ഷം ഇതുവരെ 1,002 കുഞ്ഞുങ്ങള്ക്ക് ഹൃദയ ശസ്ത്രക്രിയ നടത്താനായി. ഇതില് ഒരു വയസിന് താഴെയുള്ള 479 കുഞ്ഞുങ്ങള്ക്കാണ് ഹൃദയ ശസ്ത്രക്രിയ നടത്തിയതെന്ന് മന്ത്രി അറിയിച്ചു.
ഹൃദ്യം പദ്ധതി വിപുലപ്പെടുത്താനാണ് സര്ക്കാര് ലക്ഷ്യമിടുന്നത്. ഹൃദ്യത്തിലൂടെ ഹൃദ്രോഗ ചികിത്സ തേടിയ കുഞ്ഞുങ്ങള്ക്ക് തുടര് ചികിത്സയും സര്ക്കാര് ഉറപ്പാക്കിയിട്ടുണ്ട്. നവജാത ശിശുക്കള് മുതല് 18 വയസു വരെയുള്ള കുട്ടികള്ക്ക് സഹായകമാകും വിധമാണ് പദ്ധതിയ്ക്ക് രൂപം നല്കിയിട്ടുള്ളത്. ഗര്ഭസ്ഥ ശിശുവിന് ഹൃദ്രോഗം കണ്ടെത്തിയാല് പോലും പ്രസവം മുതലുള്ള തുടര് ചികിത്സകള് ഹൃദ്യം പദ്ധതിയിലൂടെ സൗജന്യമായി ലഭിക്കുമെന്ന് മന്ത്രി അറിയിച്ചു.
നവജാത ശിശുക്കള് മുതല് 18 വയസുവരെയുള്ള കുട്ടികള്ക്ക് സഹായകമാകും വിധമാണ് ഹൃദ്യം പദ്ധതിയ്ക്ക് രൂപം നല്കിയിട്ടുള്ളത്. ഗര്ഭസ്ഥ ശിശുവിന് ഹൃദ്രോഗം കണ്ടെത്തിയാല് പോലും പ്രസവം മുതലുള്ള തുടര് ചികിത്സകള് ഹൃദ്യം പദ്ധതിയിലൂടെ സൗജന്യമായി ലഭിക്കുന്നു. പദ്ധതിയില് ഉള്പ്പെടുന്ന കുട്ടികളുടെ ചികിത്സയും ഹൃദയ ശസ്ത്രക്രിയയും പൂര്ണമായും സര്ക്കാര് ചെലവിലാണ് നടത്തുന്നത്.
വെബ് രജിസ്ട്രേഷന് (https://hridyam.kerala.gov.in/) ഉപയോഗിച്ചാണ് സൗജന്യ ശസ്ത്രക്രിയ നടത്തുന്നത്. ഹൃദ്യം പദ്ധതിയുമായി ബന്ധപ്പെട്ട കൂടുതല് വിവരങ്ങള്ക്ക് ദിശ 1056 എന്ന ടോള് ഫ്രീ നമ്പറില് ബന്ധപ്പെടാവുന്നതാണ്.
