ഗവര്ണറുടെ ആരോപണങ്ങളില് കഴമ്പില്ലെന്ന് സിപിഐഎം ജനറല് സെക്രട്ടറി എംവി ഗോവിന്ദന്. പഴയ വീഞ്ഞ് പുതിയ കുപ്പിയിലാക്കിയിരിക്കുകയാണ്. കെ.കെ. രാഗേഷിനെതിരായ ആരോപണം അസംബന്ധമാണെന്ന് അദ്ദേഹം പറഞ്ഞു.
നിയമപരമായി പ്രവര്ത്തിക്കുമ്പോഴാണ് ഗവര്ണറോട് ആ ബഹുമാനം കാണിക്കുക. അല്ലാതെ താന് പണ്ടേ ആര്എസ്എസ് ആണ്. തനിക്ക് ആര്എസ്എസ് ബന്ധമുണ്ട്. പറഞ്ഞു കൊണ്ടിരിക്കുന്നതെല്ലാം ആര്എസ്എസിന് വേണ്ടിയാണെന്ന് അവതരിപ്പിക്കുന്ന ഒരാളോട് ഒന്നും പറയാനില്ലെന്ന് എം വി ഗോവിന്ദന് പറഞ്ഞു. മുഖ്യമന്ത്രിക്കെതിരായ വിമര്ശനത്തിന് സര്ക്കാര് മറുപടി നല്കുമെന്ന് എം വി ഗോവിന്ദന് പ്രതികരിച്ചു.
കണ്ണൂര് സര്വകലാശാല വി.സി നിമയനവുമായി ബന്ധപ്പെട്ട് മുഖ്യമന്ത്രിയുമായി നടന്ന കത്തിടപാടുകളുടെ വിവരങ്ങള് ഗവര്ണര് ആരിഫ് മുഹമ്മദ് ഖാന് പുറത്തുവിട്ടിരുന്നു. ചാന്സിലര് പദവി ഒഴിയാമെന്ന് ഗവര്ണര് വ്യക്തമാക്കുന്ന കത്തും പുറത്തുവിട്ടു. മുഖ്യമന്ത്രി പിണറായി തന്റെ ജില്ലയാണെന്ന കാര്യം നേരിട്ട് പറഞ്ഞതിന്റെ അടിസ്ഥാനത്തിലാണ് കണ്ണൂര് വി.സിയുടെ കാര്യത്തില് തീരുമാനമെടുത്തതെന്നും നിയമ വിരുദ്ധമായ കാര്യങ്ങള് ചെയ്യാന് തന്നില് സമ്മര്ദ്ദമുണ്ടായെന്നുമാണ് ഗവര്ണറുടെ ആരോപണം.