കൊളംബിയ: ചൈനയിലേക്ക് ഒരു ലക്ഷം കുരങ്ങുകളെ കയറ്റുമതി ചെയ്യുന്നത് പരിഗണിക്കുന്നുവെന്ന് ശ്രീലങ്ക കൃഷിമന്ത്രി മഹിന്ദ അമരവീര. ശ്രീലങ്കയില് മാത്രം കാണപ്പെടുന്ന വംശനാശം നേരിട്ടുകൊണ്ടിരിക്കുന്ന ടോക് മക്കാക്ക് എന്ന കുരങ്ങ് വംശത്തെയാണ് കയറ്റുമതി ചെയ്യുന്നത്. രാജ്യം സാമ്പത്തിക പ്രതിസന്ധിനേരിടുന്ന സാഹചര്യത്തിലാണ് ഈ നീക്കം.
1000 മൃഗശാലകളിലേക്കായി ഒരു ലക്ഷത്തോളം ടോക് മക്കാക്കുകളെ വേണമെന്ന് ചൈന ശ്രീലങ്കയോട് ആവശ്യപ്പെട്ടിരുന്നു. തുടര്ന്ന് വിഷയം പരിഗണിക്കുന്നതുമായി ബന്ധപ്പെട്ട് ചൊവ്വാഴ്ച ആദ്യഘട്ട ചര്ച്ച നടന്നു. കുരങ്ങുകളുടെ എണ്ണം നിയന്ത്രിക്കാന് പ്രാദേശിക അധികാരികള് നടപടികള് സ്വീകരിച്ച സമയത്താണ് ചൈനയില് നിന്നും ആവശ്യമുയര്ന്നത്. ചുവപ്പുകലര്ന്ന ബ്രൗണ് നിറമുള്ള കുരങ്ങുകളാണ് ടോക് മക്കാക്ക്. ശ്രീലങ്കയില് ഇവയെ റിവാല എന്ന പേരിലും അറിയപ്പെടുന്നു. ശ്രീലങ്കയിലെ വിവിധ മേഖലകളിലായി സിനിക, ഓറിഫ്രോണ്സ് ഒപിസ്തോമേലസ് എന്നീ ഇനം കുരങ്ങന്മാരുമുണ്ട്.
ശ്രീലങ്കയിലെ നിലവിലെ കുരങ്ങുകളുടെ എണ്ണം ഏകദേശം മൂന്ന് ദശലക്ഷം കടന്നുവെന്നാണ് റിപ്പോര്ട്ട്. രാജ്യത്തെ കര്ഷകര്ക്ക് ഇവ വലിയ ഭീഷണിയായിരുന്നുവെന്നായിരുന്നു ചര്ച്ചയിലെ പ്രധാന വാദം. ഇക്കാര്യത്തില് നിയമനടപടികള് പഠിക്കാന് ഒരു കമ്മിറ്റിയെ നിയമിക്കുന്നതും യോഗം ചര്ച്ച ചെയ്തു. മന്ത്രി അമരവീരയുടെ നേതൃത്വത്തില് നടന്ന ചര്ച്ചയില് ദേശീയ സുവോളജിക്കല് ഗാര്ഡന്സ്, വന്യജീവി സംരക്ഷണ വകുപ്പ് ഉദ്യോഗസ്ഥരും പങ്കെടുത്തു.