നടിയും കോണ്ഗ്രസ് നേതാവുമായ ഖുശ്ബുവിനെതിരെ പാര്ട്ടി നടപടി. ഖുശ്ബുവിനെ എഐസിസി വക്താവ് സ്ഥാനത്ത് നിന്ന് നീക്കി. ഖുശ്ബു കോണ്ഗ്രസ് വിട്ട് ബിജെപിയില് ചേരുന്നുവെന്ന അഭ്യൂഹങ്ങള്ക്കിടെയാണ് നടപടി.
ഖുശ്ബു ബിജിപി പാളയത്തിലേക്കെന്ന തരത്തില് വാര്ത്തകള് ഉയര്ന്നിരുന്നു. ദേശീയ മാധ്യമങ്ങള് ഉള്പ്പെടെ വാര്ത്ത റിപ്പോര്ട്ട് ചെയ്തു. ബിജെപി ദേശീയ നേതാക്കളെ കാണാനായി ഖുശ്ബു ഡല്ഹിയില് എത്തിയതായും വാര്ത്ത വന്നു. എന്നാല് വിഷയത്തോട് പ്രതികരിക്കാന് ഖുശ്ബു തയ്യാറായില്ല.
2014 ല് കോണ്ഗ്രസിലെത്തിയ ഖുശ്ബു ലോക്സഭാ തെരഞ്ഞെടുപ്പ് മുതല് പാര്ട്ടിയുമായി ഇടഞ്ഞു നില്ക്കുകയാണ്. കഴിഞ്ഞ കുറച്ചു നാളുകളായി ഖുശ്ബു ബിജെപിയിലേക്കെന്ന തരത്തില് വ്യാപക പ്രചാരണം ഉണ്ടായിരുന്നു. ശനിയാഴ്ചയിലെ ഖുശ്ബുവിന്റെ ട്വീറ്റാണ് വീണ്ടും ചര്ച്ചയായത്. ഇക്കാലത്തിനിടയില് നിരവധി മാറ്റങ്ങള്ക്ക് വിധേയമായെന്നും മാറ്റം അനിവാര്യമാണെന്നുമുള്ള അര്ത്ഥത്തോടെയായിരുന്നു ഖുശ്ബുവിന്റെ ട്വീറ്റ്. ഇതിന് പിന്നാലെ ഖുശ്ബു ഡല്ഹിയിലേക്ക് തിരിക്കുകയും ചെയ്തിരുന്നു.
