കോവിഡ് ലോക്ഡൗണിന്റെ ഭാഗമായി നിര്ത്തലാക്കിയ മെട്രോ സര്വ്വീസുകള് രാജ്യത്ത് ഇന്നു പുനരാരംഭിക്കും. ഒന്നിലധികം ലൈനുകളുള്ള മെട്രോകളില് ഘട്ടം ഘട്ടമായായിരിക്കും സര്വ്വീസ് പുനരാരംഭിക്കുക. സാമൂഹിക അകലം പാലിക്കുന്നതിനും വ്യക്തി ശുചിത്വം ഉറപ്പാക്കുന്നതിനും കര്ശനമായ മാനദണ്ഡങ്ങളാണ് യാത്രക്കാര്ക്കായി പുറപ്പെടുവിച്ചിരിക്കുന്നത്.
ഡല്ഹിയില് ശ്യാംപൂര് ബദ്ലി മുതല് ഹുഡാസിറ്റി സെന്റര് വരെയുള്ള യെല്ലോ ലൈനിലാണ് ഇന്ന് മെട്രോ ഓടുക. രാവിലെ ഏഴ് മണി മുതല് പതിനൊന്ന് മണിവരെയും വൈകിട്ട് നാല് മണിമുതല് രാത്രി എട്ട് മണിവരെയുമാണ് സര്വ്വീസുകള്. ഈ മാസം പന്ത്രണ്ട് വരെയായിരിക്കും സമയനിയന്ത്രണം.
അതേസമയം, കൊച്ചി മെട്രോയുടെ ഒന്നാംഘട്ട നിര്മാണം പൂര്ണതയിലേക്ക്. തൈക്കുടം മുതല് പേട്ടവരെയുള്ള ലൈന് മുഖ്യമന്ത്രി ഇന്ന് നാടിന് സമര്പ്പിക്കും. വീഡിയോ കോണ്ഫറന്സിലൂടെ നടക്കുന്ന ചടങ്ങിന് കേന്ദ്ര നഗരവികസന മന്ത്രി ഹര്ദീപ് സിങ് പൂരി അധ്യക്ഷത വഹിക്കും. ലോക്ഡൗണ് പശ്ചാത്തലത്തില് നിര്ത്തിയ മെട്രോ സര്വീസുകളും രാവിലെ പുനരാരംഭിച്ചു. തിങ്കളാഴ്ചയും ചൊവ്വാഴ്ചയും രാവിലെ ഏഴ് മുതല് ഒന്ന് വരെയും. ഉച്ചയ്ക്ക് രണ്ട് മുതല് രാത്രി എട്ട് വരെയുമാണ് സര്വീസ് നടത്തുക.
ബുധനാഴ്ച മുതല് എല്ലാ ദിവസവും രാവിലെ 7 മുതല് 12വരെയും ഉച്ചയ്ക്ക് 2 മുതല് രാത്രി ഒമ്പതുവരെയുമായിരിക്കും സര്വീസ്. അതേസമയം, ടിക്കറ്റ് നിരക്കുകളില് ഇളവ് വരുത്തിയിട്ടുണ്ട്.