കോഴിക്കോട് :നിയമസഭാ തെരെഞ്ഞെടുപ്പ് കഴിഞ്ഞ് മാസങ്ങള്ക്കു ശേഷം നടന്ന മുസ്ലീം ലീഗ് അവലോകന യോഗത്തില് പൊട്ടിത്തെറിച്ച് സീനിയര് നേതാവും സംസ്ഥാന വൈസ് പ്രസിഡന്റുമായ സി.പി.ബാവാ ഹാജി. തുടക്കം മുതല് തന്നെ പ്രക്ഷുബ്ധമായിരുന്നു യോഗം. കുഞ്ഞാലിക്കുട്ടിയെ പ്രതിക്കൂട്ടിലാക്കുന്ന വാക്ക് ശരങ്ങളാണ് യോഗത്തില് ഏറെയും മുഴങ്ങിയത്.
മണ്ഡലത്തിലെ അഭിപ്രായം പരിഗണിക്കാതെ സ്ഥാനാര്ത്ഥികളെ നിശ്ചയിച്ചതും, ഏതാനും നേതാക്കള് തന്നിഷ്ടം പോലെ പ്രവര്ത്തിച്ചതും, പരാജയത്തിന് കാരണമായതായി ബാവാ ഹാജി പറഞ്ഞു.
ഭാരവാഹികള് തമ്മില് പോലും ആശയ വിനിമയമില്ലാത്തതും, പുതിയ തലമുറയേയും, പ്രാതിനിധ്യടിസ്ഥാനത്തില് വനിതകളെയും സ്ഥാനാര്ത്ഥികളായി വരാതിരുന്നത് നേതൃത്വത്തിന്റെ കഴിവുകേടുകൊണ്ടാണന്ന് ബാവാ ഹാജി തുറന്നടിച്ചു.
അദ്ദേഹത്തിന്റെ അഭിപ്രായങ്ങളെ ശരിവയ്ക്കുന്ന തരത്തില് കുഞ്ഞാലിക്കുട്ടി ഒഴികെ മറ്റുള്ളവര് നിശ് ബദരായി നിലകൊള്ളുകയായിരുന്നു.