തിരുവനന്തപുരം: മണ്ഡല സദസുകള്‍ ജനകീയമാക്കാന്‍ സര്‍ക്കാര്‍. പതിനായിരം പേരെ വീതം പങ്കെടുപ്പിക്കുന്ന നാലു പൊതു യോഗങ്ങളും പ്രമുഖരെ പങ്കെടുപ്പിച്ചുകൊണ്ടുള്ള പ്രഭാത ഭക്ഷണ സെഷനും ദിവസവും സംഘടിപ്പിക്കാനാണ് തീരുമാനം. മുന്‍ മുഖ്യമന്ത്രി ഉമ്മന്‍ചാണ്ടി ജനകീയനായ വഴിയിലൂടെ നടന്നു നോക്കാന്‍ പിണറായിയുടെ തീരുമാനം.കിറ്റ് തന്ത്രം വിലപ്പോവില്ലെന്ന് മനസ്സിലാക്കിയതോടെ കേരളം കൈയ്യിലൊതുക്കാന്‍ പുതിയ വഴിതേടി പാര്‍ട്ടിയും. 140 മണ്ഡലങ്ങളിലെ എല്ലാ പരിപാടികളിലും എല്ലാ മന്ത്രിമാരും പങ്കെടുക്കണമെന്നും നിര്‍ദേശമുണ്ട്. നവംബര്‍ 18 മുല്‍ ഡിസംബര്‍ 23 വരെയാണ് പരിപാടി നിശ്ചയിച്ചിരിക്കുന്നത്.
മഞ്ചേശ്വത്തു നിന്ന് ആരംഭിക്കുന്ന ജനസദസില്‍ എല്ലാ ദിവസവും നാലു നിയമസഭാ മണ്ഡലങ്ങളിലാണ് മുഖ്യമന്ത്രിയും മന്ത്രിമാരും എത്തുക. രാവിലെ പ്രഭാതഭക്ഷണത്തിനൊപ്പമുള്ള കൂടിച്ചേരലോടെയാണ് ഒരു ദിവസത്തെ പരിപാടികള്‍ തുടക്കം കുറിക്കുന്നത്. നാലു നിയമസഭാ മണ്ഡലങ്ങളിലെ തിരഞ്ഞെടുത്ത 200 പേരെയാണ് പ്രഭാത ഭക്ഷണത്തിന് ക്ഷണിക്കുക. 11 മണിക്ക് ആദ്യനിയമസഭ മണ്ഡലത്തിലെ പൊതു പരിപാടി ആരംഭിക്കും.
ഒരോപരിപടിയിലേക്കും കുറഞ്ഞത് 10000 പേരെ എത്തിക്കാനാണ് പ്രാദേശിക നേതാക്കള്‍ക്ക് നല്‍കിയിരിക്കുന്ന നിര്‍ദേശം. രണ്ടു മണി, നാലുമണി, ആറുമണി എന്നീസമയങ്ങളില്‍ മറ്റ് മൂന്ന് മണ്ഡലങ്ങളിലെയും പൊതു പരിപാടികളായിരിക്കും. ജനങ്ങളുടെ പരാതികള്‍ സ്വീകരിക്കാന്‍ പ്രത്യേക ബൂത്തുകള്‍സജ്ജീകരിക്കും. 100 ഉദ്യോഗസ്ഥര്‍ക്ക് ഇതിന്റെ ചുമതല നല്‍കും. പൊതുപരിപാടിക്ക് ശേഷം ആശയവിനിമയ സെഷനും ഉണ്ടാകും. ബുധനാഴ്ചകളില്‍ അതത് ജില്ലകളില്‍ വെച്ച് മന്ത്രിസഭായോഗം ചേരും. ചീഫ് സെക്രട്ടറിയും യോഗത്തിനെത്തും. ഫലത്തില്‍ 36 ദിവസം ജനങ്ങള്‍ക്കിടയിലാവും സര്‍ക്കാരും ഭരണവും.
