തിരുവനന്തപുരം : ചലച്ചിത്ര അക്കാദമിയില് പ്രശ്നങ്ങളുണ്ടെന്ന് മന്ത്രി സജി ചെറിയാന്. വിവാദങ്ങള് ഉണ്ടാകാന് പാടില്ലാത്തതാണ്. അച്ചടക്കത്തോടെ സ്ഥാപനത്തെ കൊണ്ടുപോവുകയെന്നതാണ് സര്ക്കാര് നയം. സംവിധായകന് ഡോ.ബിജു നേരിട്ടുകണ്ട് ചില പ്രശ്നങ്ങള് ഉന്നയിച്ചിരുന്നു. അതില് ചില വാസ്തവങ്ങളുണ്ട്. ആരേയും വ്യക്തിപരമായി അധിക്ഷേപിക്കാന് പാടില്ലെന്നും മന്ത്രി പറഞ്ഞു. രഞ്ജിത്തിനെ മാറ്റുന്നതില് തീരുമാനമായിട്ടില്ലെന്നും സജി ചെറിയാന്.
അതേസമയം, ചലച്ചിത്ര അക്കാദമി ചെയര്മാന് രഞ്ജിത്തും ഭരണസമിതി അംഗങ്ങളും തമ്മിലുള്ള പ്രശ്നത്തില് തീരുമാനം നവകേരള സദസ് കഴിഞ്ഞതിന് ശേഷമെന്ന് സൂചന. ഡോ. ബിജു ഉള്പ്പടെ ഉന്നയിച്ച പ്രശ്നങ്ങള് മന്ത്രി സജി ചെറിയാന്റെ ശ്രദ്ധയില്പ്പെട്ടിട്ടുണ്ടെങ്കിലും രഞ്ജിനോട് ഇതുവരെ വിശദീകരണം ചോദിച്ചിട്ടില്ല. രഞ്ജിത്ത് സ്വയംതിരുത്താന് തയാറായില്ലെങ്കില് അദ്ദേഹത്തെ നീക്കണമെന്ന് ഒന്പത് ഭരണസമിതി അംഗങ്ങള് ഇന്നലെ ചലച്ചിത്രഅക്കാദമി സെക്രട്ടറിക്ക് കത്ത് നല്കിയിരുന്നു.