പത്തനംതിട്ട: സ്കൂളില് വീണ് പരിക്കേറ്റ അഞ്ചര വയസുകാരന്‍ മരിച്ച സംഭവത്തില്‍ ആശുപത്രിയിലേക്ക് ഡിവൈഎഫ്ഐ, എസ്എഫ് ഐ മാര്ച്ച് .ചികിത്സാപിഴവ് കാരണം ആണ് കുഞ്ഞ് മരിക്കാന്‍ കാരണന്നും ഡോക്ടര്‍മാര്‍ക്കെതിരേ കേസെടുക്കണമെന്നും ആവശ്യപ്പെട്ടായിരുന്നു മാര്ച്ച്.മാര്‍ച്ചിനിടെ പ്രവര്‍ത്തകര്‍ ആശുപത്രിയിലേക്ക് തള്ളിക്കയറാന്‍ ശ്രമിച്ചതിനിടെ നിലത്ത് വീണ് എസ്ഐയ്ക്ക് വീണ് പരിക്കേറ്റിട്ടുണ്ട്.
റാന്നി പ്ലാങ്കമണ്‍ ഗവ. എല്‍പി സ്‌കൂള്‍ വിദ്യാര്‍ഥി ആരോണ്‍.കോഴഞ്ചേരിയിലെ സ്വകാര്യ ആശുപത്രിയില്‍ ചികിത്സയിലിരിക്കെ മരിച്ചത്. റാന്നിയിലെ സ്വകാര്യ ആശുപത്രിയിലെ ചികിത്സാപിഴവാണ് മരണകാരണമെന്ന് കുടുംബം ആരോപിച്ചു.
അതേസമയം ചികിത്സാപിഴവ് ഉണ്ടായിട്ടില്ലെന്ന വിശദീകരണവുമായി റാന്നിയിലെ സ്വകാര്യ ആശുപത്രി അധികൃതര്‍ രംഗത്തെത്തി. കുഞ്ഞിന്റെ കൈക്കൊഴ തെറ്റിയാണ് ആശുപത്രിയിലെത്തിയത്്.കൈക്കൊഴ പിടിച്ചിടുമ്പൊള്‍ അനസ്തേഷ്യ നല്‍കാറുണ്ട്.
അതിനിടെ കുഞ്ഞിന്റെ ഓക്സിജന്റെ അളവ് കുറഞ്ഞതിനെ തുടര്‍ന്ന് ശാരീരിക അസ്വാസ്ഥ്യം ഉണ്ടായത്. ഉടനെ കോഴഞ്ചേരിയിലെ സ്വകാര്യ ആശുപത്രിയിലേക്ക് ആംബുലന്‍സില്‍ കുട്ടിയെ മാറ്റിയെന്നുമാണ് വിശദീകരണം
