പാലക്കാട്: ആലത്തൂരില്‍ അഭിഭാഷകനോട് അപമര്യദയായി പെരുമാറിയ സംഭവത്തില്‍ പോലീസ് ഉദ്യേഗസ്ഥരോട് നേരിട്ട് ഹാജരാകാൻ കോടതിയുടെ നിര്‍ദേശം.ആലത്തൂര്‍ ഫസ്റ്റ് ക്ലാസ് ജുഡീഷ്യല്‍ മജിസ്ട്രേറ്റ് കോടതിയുടേതാണ് ഉത്തരവ്.ഈ മാസം 12 ന് ഹാജരാകാനാണ് ഉദ്യേഗസ്ഥര്‍ക്ക് നിര്‍ദേശം. സംഭവം നടന്ന സമയത്ത് ഡ്യൂട്ടിയിലുണ്ടായിരുന്ന എല്ലാ ഉദ്യേഗസ്ഥരുടെയും രേഖകളും കോടതി ആവശ്യപ്പെട്ടിട്ടുണ്ട്.
അപകടത്തെതുടര്‍ന്ന് പോലീസ് കസ്റ്റഡിയിലെടുത്ത വാഹനം വിട്ടുനല്‍കണമെന്ന കോടതിയുടെ ഉത്തരവുമായാണ് അഡ്വ. അക്വിബ് സുഹൈല്‍ പോലീസ് സ്റ്റേഷനിലെത്തിയത്. തുടര്‍ന്ന്, എസ്‌ഐ ഇയാളോട് കയര്‍ത്ത് സംസാരിക്കുകയായിരുന്നു. തുടര്‍ന്ന് അഭിഭാഷകൻ കോടതിയലക്ഷ്യ ഹര്‍ജി സമര്‍പ്പിക്കുകയായിരുന്നു. ഈ ഹര്‍ജിയിലാണ് കോടതിയുടെ ഇടപെടല്‍.
