കൊച്ചി: കനത്ത വേനല്‍ ചൂടില്‍ കറുത്ത കോട്ട് ധരിച്ചില്ലെങ്കിലും പ്രശ്നമില്ല. കേരളത്തിലെ കോടതികളിൽ അഭിഭാഷകർ കറുത്ത ഗൗൺ ധരിക്കുന്നത് താത്ക്കാലികമായി ഒഴിവാക്കുന്നതിന് ഹൈക്കോടതി പ്രമേയം പാസ്സാക്കി. കേരള ഹൈക്കോടതി അഡ്വക്കേറ്റ്സ് അസോസിയേഷൻ്റെ അഭ്യർത്ഥനയെ തുടർന്നാണ് ഫുൾ കോർട്ട് കോടതിയുടെ പ്രമേയം.
ഉയർന്ന ചൂടും കറുത്ത കോട്ടില്‍ അഭിഭാഷകർ അനുഭവിക്കേണ്ടി വരുന്ന അസ്വസ്ഥതയും കണക്കിലെടുത്താണ് തീരുമാനം. ജില്ലാ കോടതികളിൽ വെള്ള ഷർട്ടും പാന്റും ധരിച്ച് അഭിഭാഷകർക്ക് ഹാജരാകാം. കറുത്ത കോട്ടും ഗൗണും നിർബന്ധമല്ല. മെയ് 31 വരെ ഈ നിർദ്ദേശം പ്രാബല്യത്തിൽ ഉണ്ടായിരിക്കും.
