ഇടുക്കി: ഇടുക്കിയില്‍ അരിക്കൊമ്പന്റെ ആക്രമണത്തില്‍ പന്നിയാര്‍ എസ്റ്റേറ്റിലെ ലേബര്‍ കാന്റീന്‍ തകര്‍ന്നു. കാന്റീന്‍ നടത്തിപ്പുകാരനായ എഡ്വിന്‍ തലനാരിഴയ്ക്കാണ് രക്ഷപ്പെട്ടത്. ശനിയാഴ്ച രാത്രിയിലായിരുന്നു സംഭവം.സംഭവ സമയത്ത് എഡ്വിന്‍ മാത്രമാണ് കാന്റീനില്‍ ഉണ്ടായിരുന്നത്. അരിക്കൊമ്പനെ കണ്ട് എഡ്വിന്‍ ഓടി രക്ഷപ്പെടാന്‍ ശ്രമിച്ചെങ്കിലും കാട്ടാന പുറകേയെത്തി ആക്രമിക്കാന്‍ ശ്രമിച്ചു. തൊട്ടടുത്തുണ്ടായിരുന്ന ലയത്തില്‍ കയറിയാണ് എഡ്വിന്‍ രക്ഷപ്പെട്ടത്.
പന്നിയാര്‍ എസ്റ്റേറ്റില്‍ റേഷന്‍ കട പല തവണ അരിക്കൊമ്പന്‍ ആക്രമിച്ചിട്ടുണ്ട്. കാട്ടാനയുടെ ആക്രമണത്തില്‍ നിന്ന് രക്ഷപ്പെടുന്നതിനായി റേഷന്‍ കടക്ക് ചുറ്റും ഇലക്ട്രിക് ഫെന്‍സിംഗ് നത്തിയിട്ടുണ്ട്. ഇതിന് അടുത്തുള്ള ലേബര്‍ കാ ന്റീനിലായിരുന്നു ആക്രമണം നടത്തിയത്. ശബ്ദം കേട്ടെത്തിയ തൊഴിലാളികളാണ് കാട്ടാനയെ തുരത്തിയത്.
