മുവാറ്റുപുഴ: ഐഎന്ടിയുസി കാവുങ്കര ചുമട്ടു തൊഴിലാളി യൂണിയന്റെ സ്ഥാപക പ്രസിഡന്റും ഡികെടിഎഫ് സംസ്ഥാന പ്രസിഡന്റുമായിരുന്ന മുതിര്ന്ന കോണ്ഗ്രസ് നേതാവ് ജോയി മാളിയേക്കല് അനുസ്മരണവും മികച്ച വിദ്യാര്ത്ഥികള്ക്ക് ഉള്ള അവാര്ഡ് വിതരണവും 31-ന് നടത്തും
കാവുംങ്കര ചുമട്ടുതൊഴിലാളി യൂണിയന്റെ നേതൃത്വത്തില് 31-ാം തീയതി വൈകിട്ട് നാലു മണിക്ക് കാവുംങ്കര വനിതാ സെന്ററില് വെച്ചാണ് അനുസ്മരണവും അവാര്ഡ് ദാനവും നടത്തുന്നത്. അനുസ്മരണ സമ്മേളനം ഇടുക്കി എംപി ഡീന് കുര്യാക്കോസ് ഉദ്ഘാടനം ചെയ്യും. മാത്യു കുഴല്നാടന് എംഎല്എ അവാര്ഡ് വിതരണം നടത്തുന്ന യോഗത്തിന് ചുമട്ടു തൊഴിലാളി യൂണിയന് പ്രസിഡന്റ് റിയാസ് താമരപ്പിള്ളി അധ്യക്ഷത വഹിക്കും.
ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് മുഖ്യ പ്രഭാഷണം നടത്തും. മുന് എംഎല്എമാര്, തൃതല പഞ്ചായത്ത് പ്രതിനിധികള്, കോണ്ഗ്രസിന്റെ സംസ്ഥാന ജില്ലാ നേതാക്കള് അടക്കം പങ്കെടുക്കും.