തകഴി: ജന്മനാ ഇരുകാലുകളും തളര്ന്ന തകഴി പഞ്ചായത്ത് കേളമംഗലം ശ്രീരംഗത്തില് എസ് പ്രമോദ് കുമാറിന് (43) കുടുംബ പെന്ഷന് ലഭിക്കാന് ഇനി സര്ക്കാര് ഓഫിസുകളില് മുട്ടിലിഴഞ്ഞു കയറി ഇറങ്ങേണ്ടി വരില്ല. ഇത് സംബന്ധിച്ച വാര്ത്ത ശ്രദ്ധയില്പെട്ടതിനെ തുടര്ന്ന് ജില്ലാ ജഡ്ജി ചെയര്മാനായുള്ള ജില്ല ലീഗല് സര്വ്വീസ് അതോറിറ്റി ജനറല് സെക്രട്ടറിയും സബ് ജഡ്ജിയുമായ എം.ടി ജലജ റാണി ഇടപെടുകയും വിവര ശേഖരണം നടത്തുന്നതിന് നിയോഗിച്ച ഉദ്യോഗസ്ഥന് തോമസ് ജോണ് പ്രമോദ് കുമാറിന്റെ ഭവനം സന്ദര്ശിച്ചു.
സൗഹൃദ വേദി പ്രസിഡന്റ് ഡോ. ജോണ്സണ് വി. ഇടിക്കുള, എ.ജെ. കുഞ്ഞുമോന്, രാജു ചക്രപാണി, ജിജി സേവ്യര്, പാസ്റ്റര് അനീഷ് ആനന്ദ് എന്നിവര് പ്രമോദിന്റെ ഭവനം സന്ദര്ശിച്ച് ശൗചാലയം നിര്മ്മിച്ചു കൊടുക്കാമെന്ന് വാഗ്ദാനം ചെയ്തു. 61% അംഗ പരിമിതിയുള്ള പ്രമോദ് മുട്ടില് ഇഴഞ്ഞ് ആണ് ഒരു മുറിയില് നിന്നും മറ്റൊരു മുറിയിലേക്ക് നീങ്ങുന്നത്. പണി പൂര്ത്തിയാകാത്ത വീടിന് നിലവില് മുറിയോട് ചേര്ന്ന് ശൗചാലയം ഇല്ല.
55 ശതമാനത്തിലധികം വൈകല്യം ഉള്ളതിനാലും പരാശ്രയം ഇല്ലാതെ കഴിയാന് പറ്റാഞ്ഞതു കൊണ്ടും കുടുംബ പെന്ഷന് ലഭിക്കേണ്ടതാണ്. പിതാവ് കാസര്കോട് കുമ്പള ഗവ. എല്.പി സ്കൂള് പ്രധാന അധ്യാപകനായിരുന്നു. 1992 മാര്ച്ച് 31ന് ആണ് വി. ശ്രീധരന് സര്വ്വീസില് നിന്നും വിരമിച്ചത്.
പ്രമോദിന്റെ സഹോദരിയെ ഭര്ത്താവ് ഉപേക്ഷിച്ചതു മൂലം സഹോദരിയും എട്ടാം ക്ലാസ് വിദ്യാര്ത്ഥിനിയായ സഹോദരിയുടെ മകളും പ്രമോദിനോടൊപ്പമാണ് താമസം. പ്രമോദ് അവിവാഹിതനാണ്. ശ്രീധരന്റെ മരണ ശേഷം ഭാര്യ കെ. സാവിത്രിക്ക് കുടുംബ പെന്ഷന് ലഭിക്കുകയും ചെയ്തു. ഇത് മാത്രമായിരുന്നു ഏക വരുമാനം.
2020 ജനുവരി രണ്ടിന് സാവിത്രി മരിച്ചതോടെ സാവിത്രിയുടെ മക്കളുടെ ജീവിതം ദുരിത പൂര്ണ്ണമായി. പ്രളയത്തില് തകര്ന്ന കൂരയ്ക്കുള്ളില് കഴിയുന്ന ഇവരുടെ ജീവിത മാര്ഗ്ഗം നിലച്ചതോടെയാണ് കുടുംബ പെന്ഷന് ലഭിക്കാന് ശ്രമം തുടങ്ങിയത്.
നമ്മുടെ ചെറിയ സഹായം ഇവര്ക്ക് വലിയ ആശ്വാസമാണ്.
പ്രമോദിന്റെ അക്കൗണ്ട് നമ്പര്:
തകഴി ഫെഡറല് ബാങ്ക് 10740100178788,
IFSC. FDRL 0001074,
ഫോണ് .9605639428