കൊച്ചി: ശ്രീലങ്കയില് ഈസ്റ്റര് ദിനത്തില് നടന്ന ഭീകരാക്രമണത്തിന്റെ പശ്ചാത്തലത്തില് കൊച്ചിയില് സുരക്ഷാ മുന്നറിയിപ്പ്. ഹോംസ്റ്റേകളും ഹോട്ടലുകളും ജാഗ്രത പാലിക്കണമെന്ന് പൊലീസ് അറിയിച്ചു.
താമസക്കാരെ കുറിച്ച് ദിവസവും വിവരം നല്കണം എന്നും പൊലീസ് വ്യക്തമാക്കി. റിപ്പോര്ട്ട് നല്കാത്ത ഹോംസ്റ്റേകളിലും റെയ്ഡ് നടത്തുമെന്നും മുന്നറിയിപ്പ് നല്കിയിട്ടുണ്ട്.
അതേസമയം ശ്രീലങ്കയില് നടന്ന സ്ഫോടന പരമ്പരയുമായി ബന്ധപ്പെട്ട് കേരളത്തില്നിന്ന് എന് ഐ എ കസ്റ്റഡിയിലെടുത്തവര്ക്ക് ആക്രമണവുമായി നേരിട്ട് ബന്ധമില്ലെന്ന് എന്ഐഎ പറഞ്ഞു. ശ്രീലങ്കയിലെ സ്ഫോടനത്തിന്റെ ഉത്തരവാദിത്തം ഏറ്റെടുത്ത സംഘടനയുമായി ആശയപരമായി യോജിപ്പുള്ളവരെയാണ് ചോദ്യം ചെയ്തത്.
