കാസര്കോട്: കാസര്കോട് കല്യോട്ട് വെട്ടേറ്റ് കൊല്ലപ്പെട്ട യൂത്ത് കോണ്ഗ്രസ് പ്രവര്ത്തകരുടെ മൃതദേഹം സംസ്കരിച്ചു. കല്യോട്ട് കൂരാങ്കരയില് തയ്യാറാക്കിയ പ്രത്യേക സ്ഥലത്ത് അടുത്തടുത്തായാണ് ശരത്ലാലിന്റെയും കൃപേഷിന്റെയും മൃതദേഹങ്ങള് സംസ്കരിച്ചത്.
പോസ്റ്റ്മോര്ട്ടം നടപടികള് പൂര്ത്തിയാക്കി ഒരുമണിയോടെയാണ് മൃതദേഹങ്ങള് ബന്ധുക്കള്ക്ക് വിട്ടു നല്കിയത്.
പരിയാരം മെഡിക്കല് കോളേജില് നിന്നും ആരംഭിച്ച വിലാപ യാത്രയില് കെപിസിസി വര്ക്കിംഗ് പ്രസിഡന്റ് കെ സുധാകരനും ടി സിദ്ദിഖ് അടക്കമുള്ള നേതാക്കളും നൂറുകണക്കിന് പ്രവര്ത്തകരും അനുഗമിച്ചു. പല ഇടങ്ങളിലായി നൂറ് കണക്കിനാളുകളാണ് അന്തിമോചാരം അര്പ്പിക്കാന് കാത്തുനിന്നത്.
