കോട്ടയത്ത് പങ്കാളികളെ പങ്കുവച്ച കേസില് പ്രതികരിച്ച് പരാതിക്കാരി. ഭര്ത്താവിനെതിരെ പരാതി നല്കിയത് സഹികെട്ടെന്ന് യുവതി പറഞ്ഞു. രണ്ട് വര്ഷം സഹിച്ചു. ഭര്ത്താവ് നിരന്തരം ശല്യം ചെയ്തു കൊണ്ടിരുന്നു. ഒരേ സമയം ഒന്നിലധികം ആളുകളുമായി ബന്ധപ്പെടാന് ഭര്ത്താവ് നിര്ബന്ധിച്ചു. ബന്ധത്തില് നിന്ന് പിന്മാറാന് വീട്ടുകാര് നിരവധി തവണ ആവശ്യപ്പെട്ടു. അപ്പോള് ഭര്ത്താവ് ആത്മഹത്യ ചെയ്യുമെന്ന് ഭീഷണിപ്പെടുത്തിയതായും യുവതി പറയുന്നു. ഭര്ത്താവ് പണത്തിന് വേണ്ടി തന്നെ ഉപയോഗിച്ചിരുന്നുവെന്നും യുവതി പൊലീസിനോട് വ്യക്തമാക്കി.
അതേസമയം പങ്കാളികളെ പങ്കുവച്ച കേസില് ആറ് പേരുടെ അറസ്റ്റ് രേഖപ്പെടുത്തി. മെസഞ്ചര്, ടെലിഗ്രാം തുടങ്ങിയ സോഷ്യല് മീഡിയ ആപ്പുകള് ഉപയോഗിച്ചാണ് സംഘത്തിന്റെ പ്രവര്ത്തനം. കപ്പിള് മീറ്റ് അപ്പ് കേരള എന്ന ഗ്രൂപ്പ് വഴിയാണ് പ്രധാനമായും പ്രവര്ത്തനം നടന്നിരുന്നത്.
ഒന്പത് പേര് ചേര്ന്നാണ് പരാതി നല്കിയ പെണ്കുട്ടിയെ പീഡിപ്പിച്ചതെന്ന് പൊലീസ് പറഞ്ഞു. പ്രതികള് ഒരാള് വിദേശത്തേക്ക് കടന്നതായി പൊലീസ് സ്ഥിരീകരിച്ചു. സമൂഹ മാധ്യമങ്ങള് കേന്ദ്രീകരിച്ചും അന്വേഷണം പുരോഗമിക്കുകയാണ്.
ആയിരക്കണക്കിന് ദമ്പതികളാണ് ഗ്രൂപ്പുകളിലുള്ളത്. ഈ ഗ്രൂപ്പുകളിലൂടെയാണ് ദമ്പതികള് പരസ്പരം പരിചയപ്പെടുന്നത്. വലിയ സംഘമാണ് പിന്നിലുള്ളതെന്ന് പൊലീസ് പറഞ്ഞു. സമൂഹത്തില് ഉന്നത സ്ഥാനങ്ങളില് ഉള്ളവരും സംഘത്തിലുണ്ട്. 25 ഓളം പേര് പൊലീസിന്റെ നിരീക്ഷണത്തിലാണ്. സംസ്ഥാന വ്യാപകമായി അന്വേഷണം വിപുലപ്പെടുത്താനാണ് പൊലീസ് നീക്കം.
