നീറ്റ് പരീക്ഷാ തീയതിയില് മാറ്റമില്ലെന്ന സുപ്രീംകോടതി വിധി പ്രവാസി വിദ്യാര്ഥികളെയും രക്ഷിതാക്കളെയും വലക്കുന്നു. സെപ്റ്റംബര് 13നാണ് പരീക്ഷ. നാട്ടില് കോവിഡ് വ്യാപനം വര്ധിച്ച സാഹചര്യത്തില് മക്കളെ തനിച്ചയക്കുന്നതിന്റെ വിഷമത്തിലാണ് മിക്ക രക്ഷിതാക്കളും.
പരീക്ഷാ തീയതി നീട്ടുമെന്ന പ്രതീക്ഷയിലായിരുന്നു പ്രവാസി കുട്ടികളും രക്ഷിതാക്കളും. യു.എ.ഇയില് നിന്ന് മാത്രം 1135 പേരാണ് നീറ്റിന് രജിസ്റ്റര് ചെയ്തിരിക്കുന്നത്. മറ്റു ഗള്ഫ് രാജ്യങ്ങളില്നിന്നു കൂടിയാകുമ്പോള് ഏതാണ്ട് മുവായിരത്തിലേറെ വരും. ഇവരില് നല്ലൊരു പങ്കും പല കാരണങ്ങളാല് ഗള്ഫില് തന്നെ കുടുങ്ങിയിരിക്കുകയാണ്. കീം എന്ട്രന്സ് ദുബായില് വിജയകരമായി നടന്നതാണ്. എന്തുകൊണ്ട് നീറ്റും സമാനരീതിയില് പാടില്ലെന്നാണ് രക്ഷിതാക്കളുടെ ചോദ്യം.
അതേസമയം നീറ്റ് പരീക്ഷയുടെ അവ്യക്തതയില് പ്രവാസി വിദ്യാര്ഥികളില് പലരും വിദേശ സര്വകലാശാലകളില് ചേരാന് നിര്ബന്ധിതമാകുന്ന സാഹചര്യമാണുള്ളത്.