മൂവാറ്റുപുഴ : ചാത്തമറ്റം ഗവണ്മെന്റ് ഹയർ സെക്കന്ററി സ്കൂളിന് ഇരട്ടി മധുരവുമായി മാത്യു കുഴൽ നാടൻ എംഎൽഎയുടെ സ്കൂൾ ബസ്. എംഎൽഎയുടെ പ്രാദേശിക വികസന ഫണ്ടിൽ നിന്നും 20.56 ലക്ഷം രൂപ നൽകിയാണ് ഈ പൊതു വിദ്യാലയത്തിന്റെ പുതിയ ബസ് എന്ന സ്വപ്നം സഫലീകരിച്ചത്.
ചാത്തമറ്റം ടൗണിൽ നിന്നും മാത്യു കുഴൽനാടൻ എം എൽ എ ബസിന്റെ ഫ്ലാഗ് ഓഫ് നിർവ്വഹിച്ചു. ജില്ലാ പഞ്ചായത്ത് സ്റ്റാന്റിഗ് കമ്മിറ്റി ചെയർ പേഴ്സൺ റാണിക്കുട്ടി ജോർജ് അധ്യക്ഷത വഹിച്ചു.
ഗ്രാമപഞ്ചായത്ത് അംഗങ്ങളായ സാറാമ്മ പൗലോസ്, റെജി സാന്റി , ജോഷി കുര്യാക്കോസ് ( പി ടി എ പ്രസിഡന്റ് ) ,ബാൽകിസ് പി എം ( സീനിയർ അസിസ്റ്റന്റ് HSS), നിസാമോൾ ( സീനിയർ അസിസ്റ്റന്റ് HS) , പി ടി എ വൈസ് പ്രസിഡന്റ് സന്തോഷ്, മുൻ പി ടി എ പ്രസിഡന്റ്മാരായ ജലാൽ, മാത്യു, സന്തോഷ്കുമാർ വിദ്യാർത്ഥികളെ പ്രതിനിധികരിച്ച് ഹെക്സ അന്നാ ജോയ് എന്നിവർ സംസാരിച്ചു.
സ്കൂൾ പ്രിൻസിപ്പൽ ഷീജ ടി എസ് സ്വാഗതം പറഞ്ഞു. റിട്ടയേർഡ് പ്രിൻസിപ്പൽ ശ്രീമതി ലിസി പൗലോസ്, പ്രത്യേക ക്ഷണിതാവ് ആയിരുന്നു. ഹെഡ്മിസ്ട്രെസ് സജിത വി നന്ദിയും പറഞ്ഞു.