മുകേഷ് അംബാനിയുടെ വീടിന് സമീപം സ്ഫോടക വസ്തു കണ്ടെത്തിയ സംഭവത്തില്‍ മുംബൈ പൊലീസ് ഉദ്യോഗസ്ഥന്‍ സച്ചിന്‍ വാസെ അറസ്റ്റില്‍. സ്ഫോടക വസ്തുക്കള്‍ നിറച്ച സ്‌കോര്‍പിയോ കാര്‍ അംബാനിയുടെ വീടിന് സമീപം സ്ഥാപിക്കാനുള്ള ഗൂഢാലോചനയില്‍ പങ്ക് ആരോപിച്ചാണ് അറസ്റ്റ്. പന്ത്രണ്ട് മണിക്കൂര്‍ നീണ്ട ചോദ്യം ചെയ്യലിന് ശേഷമാണ് സച്ചിന്‍ വാസെയെ അറസ്റ്റ് ചെയ്തത്.
എന്‍.ഐ.എ ഇന്‍സ്പെക്ടര്‍ ജനറല്‍ അനില്‍ ശുക്ലയുടെ നേതൃത്വത്തിലുള്ള സംഘം എന്‍.ഐ.എ മുംബൈ ഓഫിസില്‍ വിളിച്ചുവരുത്തിയാണ് സച്ചിന്‍ വാസയുടെ അറസ്റ്റ് രേഖപ്പെടുത്തിയത്.
അംബാനിയുടെ വീടിന് സമീപം സ്ഫോടക വസ്തുക്കള്‍ നിറച്ച കാര്‍ കണ്ടെത്തിയ സംഭവം ആദ്യം അന്വേഷിച്ചിരുന്നത് സച്ചിന്‍ വാസെയാണ്. പിന്നീടാണ് കേസ് തീവ്രവാദ വിരുദ്ധ സ്‌ക്വാഡിനും തുടര്‍ന്ന് എന്‍.ഐ.എയ്ക്കും കൈമാറുന്നത്.
