മലപ്പുറം: ഫേസ്ബുക്കിലൂടെ പ്രണയിച്ച വീട്ടമ്മയെ മയക്കുമരുന്ന് നല്കി കൂട്ടബലാത്സംഗത്തിനിരയാക്കി. സംഭവത്തില് മൂന്നുപേരെ പോലീസ് അറസ്റ്റ് ചെയ്തു. മുഹ്സിന്(28), ആഷിക്(25), ആസിഫ്(23) എന്നിവരാണ് അറസ്റ്റിലായത്. കേസിലെ ഒന്നാം പ്രതിയാണ് മുഹ്സിന്. പ്രവാസിയുടെ ഭാര്യയായ വീട്ടമ്മയെ മുഹ്സിന് ഫേസ്ബുക്ക് വഴി പരിചയപ്പെടുകയും പ്രണയത്തിലാവുകയുമായിരുന്നു. തുടര്ന്ന് ഇവര്ക്ക് മയക്കുമരുന്ന് നല്കി നിരവധി സ്ഥലങ്ങളില് കൊണ്ടുപോയി ലൈംഗികമായി പീഡിപ്പിച്ചു. വീട്ടമ്മയെ മുഹ്സിന് സുഹൃത്തുക്കള്ക്ക് കാഴ്ചവെക്കുകയും ചെയ്തു.
ആറ് മാസം മുന്പാണ് വീട്ടമ്മയും മുഹ്സിനും പരിചയപ്പെടുന്നത്. മുഹ്സിന് തനിക്ക് എംഡിഎംഎ നല്കിയിരുന്നതായി വീട്ടമ്മ പോലീസിന് മൊഴി നല്കി. അഞ്ചുതവണ എംഡിഎംഎ നല്കിയതായാണ് മൊഴി. എന്നാല് തന്നിരുന്നത് എംഡിഎംഎ ആണെന്ന് തനിക്ക് അറിയില്ലായിരുന്നുവെന്നാണ് വീട്ടമ്മ പോലീസിനോട് പറഞ്ഞത്.
പ്രണയം നടിച്ച് വീട്ടമ്മയെ ലഹരിക്കടിമയാക്കിയ ശേഷം വിവിധ സ്ഥലങ്ങളില് എത്തിച്ച് ലൈംഗികമായി പീഡിപ്പിക്കുകയായിരുന്നു. മുഹ്സിന്റെ സുഹൃത്തുക്കളായ ആഷിക്ക്, ആസിഫ്, റിഷാദ് എന്നിവരും വീട്ടമ്മയെ പീഡിപ്പിച്ചു. ഇതോടെ വീട്ടമ്മ പോലീസില് പരാതി നല്കി. സംഭവത്തില് പോലീസ് കേസെടുത്ത് അന്വേഷണം ആരംഭിച്ചിരുന്നു.
കഴിഞ്ഞ ദിവസം പുലര്ച്ചെ പ്രതികളെ വീടുകളില് നിന്ന് കസ്റ്റഡിയിലെടുക്കുകയായിരുന്നു. കേസിലെ മറ്റൊരു പ്രതിയായ റിഷാദ് ഓടി രക്ഷപ്പെട്ടു. ഇയാളെ കണ്ടെത്താന് അന്വേഷണം ഊര്ജിതമാക്കി.