ഭര്തൃവീട്ടില് ദുരൂഹ സാഹചര്യത്തില് മരിച്ച നിലയില് കണ്ടെത്തിയ വിസ്മയയുടെ ഭര്ത്താവ് കിരണിനെ സര്ക്കാര് സര്വീസില് നിന്ന് പിരിച്ചുവിട്ടു. ഗതാഗത വകുപ്പില് അസിസ്റ്റന്റ് മോട്ടോര് വെഹിക്കിള് ഇന്സ്പെക്ടറാണ് കിരണ് കുമാര്. അന്വേഷണം പൂര്ത്തിയാകും മുന്പ് പിരിച്ചു വിടുന്നത് അത്യപൂര് വനടപടിയാണ്.
ജൂണ് 21നാണ് വിസ്മയയെ പോരുവഴിയിലെ ഭര്തൃവീട്ടില് മരിച്ച നിലയില് കണ്ടെത്തിയത്. കിരണിനെതിരെ സ്ത്രീധന പീഡനത്തിനും ഗാര്ഹിക പീഡനത്തിനും കേസുണ്ട്.
കിരണിനെതിരായ കുറ്റങ്ങള് തെളിഞ്ഞെന്ന് ഗതാഗത മന്ത്രി ആന്റണി രാജു പറഞ്ഞു. സ്ത്രീധന പീഡനക്കേസില് സര്ക്കാര് ജീവനക്കാരനെ പിരിച്ചു വിടുന്നത് ഇതാദ്യമാണ്. പിരിച്ചു വിടല് നടപടി കേരള സിവില് സര്വീസ് ചട്ടം എട്ടാം വകുപ്പനുസരിച്ചാണ്. ഇനി ഒരിക്കലും സര്ക്കാര് സര്വീസില് ജോലി ലഭിക്കില്ല.
