തിരുവനന്തപുരം സ്വര്ണക്കടത്ത് കേസില് സ്വപ്നാ സുരേഷ് ഉള്പ്പെടെയുള്ള എല്ലാ പ്രതികള്ക്കും ജാമ്യം. എന്.ഐ.എ രജിസ്റ്റര് ചെയ്ത കേസില് പ്രതികളായ സ്വപ്ന സുരേഷിന്റെയും പി.എസ്. സരിത്തിന്റെയും ജാമ്യാപേക്ഷകളിന്മേലാണ് ഹൈക്കോടതി വിധി പറഞ്ഞത്.
ജാമ്യം നിഷേധിച്ച എന്.ഐ.എ കോടതി ഉത്തരവ് ചോദ്യം ചെയ്താണ് പ്രതികള് ഹൈക്കോടതിയെ സമീപിച്ചത്. കേസില് യു.എ.പി.എ നിലനില്ക്കില്ലെന്നും തങ്ങള്ക്കെതിരെ യു.എ.പി.എ ചുമത്തുവാന് തക്ക തെളിവുകള് അന്വേഷണ സംഘത്തിന് കണ്ടെത്താനായിട്ടില്ലെന്നുമാണ് സ്വപ്നയും, സരിത്തുമടക്കമുള്ള പ്രതികളുടെ വാദം.
പ്രതികള്ക്കെതിരായി കൃത്യമായ തെളിവുകളുണ്ടെന്ന് എന്.ഐ.എയും കോടതിയെ അറിയിച്ചിട്ടുണ്ട്. എന്നാല് പ്രതികളുടെ വാദം അംഗീകരിച്ചു കൊണ്ട് കൂടി സ്വപ്നയുള്പ്പെടെയുള്ളവര്ക്ക് ജാമ്യം അനുവദിക്കുകയായിരുന്നു.
