ഒരു നൂറ്റാണ്ടിലേറെക്കാലത്തെ ചരിത്രമുറങ്ങുന്ന മൂവാറ്റുപുഴ ഗവ: മോഡല് ഹൈസ്കൂളില് ഒരിക്കല്ക്കൂടി പൂര്വ്വവിദ്യാര്ത്ഥി സംഗമത്തിന് വേദിയൊരുങ്ങുന്നു. 1985 – 86 – SSLC ബാച്ചില് ഈ വിദ്യാലയത്തില് പഠിച്ച വിദ്യാര്ത്ഥികളാണ് എട്ടാം ക്ലാസ്സ് മുതലുള്ള തങ്ങളുടെ 39 വര്ഷക്കാലത്തെ വിദ്യാലയ സ്മരണകളുമായി, വീണ്ടും ഒത്തുചേരുന്നത്. ‘സഹപാഠി സംഗമം – 2022’ എന്നു പേരിട്ടിരിക്കുന്ന ഈ ഒത്തുചേരല് മെയ് 8 ഞായറാഴ്ച രാവിലെ 10 മുതല് വൈകിട്ട് 4 വരെ ഗവ: മോഡല് ഹൈസ്കൂള് അങ്കണത്തില് നടക്കും. പതിനൊന്ന് വര്ഷം മുമ്പ് വിദ്യാലയജീവിത സ്മരണകളുടെ ഇരുപത്തിയഞ്ചാം വാര്ഷികത്തില് പുന:രാരംഭിച്ച ഈ സഹപാഠിക്കൂട്ടായ്മ ഇന്നും സജീവമായി തുടരുന്നു.