മൂവാറ്റുപുഴ: സിപിഎം മുളവൂർ ലോക്കൽ കമ്മിറ്റി നിർമ്മിച്ച കനിവ് ഭവനം കൈമാറി. മുളവൂർ ചിറപ്പടി ഭാഗത്ത് വെട്ടിയാങ്കുന്നേൽ വീട്ടിൽ വിധവയായ ബീവിയുടെ കുടുംബത്തിനാണ് വീട് നിർമ്മിച്ച് നൽകിയത്.സിപിഎം ജില്ലാ സെക്രട്ടറി സി എൻ മോഹനൻ “കനിവ് ഭവനം”ത്തിന്റെ
താക്കോൽ ബീവിയ്ക്ക് കൈമാറി. യോഗത്തിൽ ബ്ലോക്ക് പഞ്ചായത്ത് അംഗം ഒ കെ മുഹമ്മദ് അധ്യക്ഷനായി. ജില്ല കമ്മിറ്റി അംഗം പി എം ഇസ്മയിൽ, ഏരിയ സെക്രട്ടറി കെ പി രാമചന്ദ്രൻ, ഏരിയ കമ്മിറ്റി അംഗം എം ആർ പ്രഭാകരൻ ലോക്കൽ സെക്രട്ടറി വി എസ് മുരളി, ലോക്കൽ കമ്മിറ്റി അംഗം പി എസ് ബൈജു, ചിറപ്പടി ബ്രാഞ്ച് സെക്രട്ടറി വി എ അബിൻസ് എന്നിവർ സംസാരിച്ചു.
എട്ട് ലക്ഷം രൂപ മുടക്കി എല്ലാവിധ സൗകര്യങ്ങളോടെയാണ് 600 ചതുരശ്ര അടി വിസ്തീർണ്ണമുള്ള വീട് നിർമ്മിച്ച് നൽകിയത്. നാട്ടുകാരുടെ സഹകരണത്തോടെ പാർട്ടി പ്രവർത്തകർ, അനുഭാവികളും ചേർന്നാണ് ധനശേഖരണം നടത്തിയും നിർമ്മാണ സാമഗ്രികൾ ശേഖരിച്ചും കനിവ് ഭവനമൊരുക്കിയത്. മുളവൂർ ലോക്കൽ കമ്മിറ്റിയുടെ മൂന്നാമത്തേതും മൂവാറ്റുപുഴ ഏരിയയിലെ 19-ാമത്തേയും കനിവ് ഭവനമാണ് പൂർത്തിയാക്കി കൈമാറിയത്.