കാട്ടാക്കട: പൂവച്ചലില്‍ വിദ്യാര്‍ഥിയെ കാറിടിച്ച് കൊലപ്പെടുത്തിയ സംഭവം പ്രതിക്ക് മുന്‍വൈരാഗ്യം ആദിശേഖറിന്റെ അച്ഛന്‍ അരുണ്‍കുമാര്‍. കുട്ടിയെ പണിതരാമെന്ന് പ്രതി പ്രിയരഞ്ജന്‍ നേരത്തേ ഭീഷണിപ്പെടുത്തിയിരുന്നു. ഏപ്രിലില്‍ കുട്ടിയും പ്രതിയും തമ്മില്‍ തര്‍ക്കമുണ്ടായി. തുടര്‍ന്ന് താന്‍ പ്രതിയുമായി സംസാരിച്ചപ്പോഴാണ് അപായഭീഷണി മുഴക്കിയത്.അപകടമരണമെന്ന് കരുതിയെങ്കിലും സി.സി.ടി.വി ദൃശ്യങ്ങള്‍ പുറത്തുവന്നതോടെയാണ് കൊലപാതകമെന്ന നിഗമനത്തിലേയക്ക് എത്തിയത്.ഒളിവില്‍ പോയ പ്രതിക്കായി തിരച്ചില്‍ ഊര്‍ജിതമാക്കി പൊലീസ്. പൂവച്ചല്‍ സ്വദേശികളായ അരുണ്‍കുമാറിന്റെയും ദീപയുടെയും മകനായ ആദിശേഖര്‍ ഓഗസ്റ്റ് 30ന് വൈകിട്ടാണ് വീടിന് സമീപത്തെ റോഡില്‍ കാറിടിച്ച് മരിച്ചത്.
