മുവാറ്റുപുഴ : ആര്‍ട്ടിഫിഷ്യല്‍ ഇന്റലിജിന്‍സ് യുഗത്തില്‍ സ്വകാര്യതാ അവകാശങ്ങള്‍ ലംഘിക്കപ്പെടുന്നുവെന്ന് ജസ്റ്റിസ് കെ സുരേന്ദ്ര മോഹന്‍. മുവാറ്റുപുഴയിലെ ഇലാഹിയ ലോ കോളേജില്‍ നടന്ന ഭരണഘടനാ ദിനാഘോഷ ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വിവരസാങ്കേതിക വിദ്യാ ഏറെ വളര്‍ച്ച നേടിയ ഈ കാലഘട്ടത്തില്‍ പൗരാവാകാശങ്ങളും പൗരന്റെ സ്വകാര്യതാ അവകാശങ്ങളും ലംഘിക്കപ്പെടുകയാണെന്ന് ജസ്റ്റിസ് സുരേന്ദ്ര മോഹ ന്‍ പറഞ്ഞു.
വ്യാജ വാര്‍ത്തകളും ദൃശ്യങ്ങളും തിരഞ്ഞെടുപ്പ് വരെ അട്ടിമറിക്കപ്പെടുന്ന കാലത്താണ് നാം ജീവിക്കുന്നത്. ഫോണുകളും വ്യക്തികത വിവരങ്ങളും ദുരുപയോഗ ചെയ്യപ്പെടുകയാണ്. ഒന്നും ആര്‍ക്കും സൗജന്യമായി ലഭിക്കില്ല, സൗജന്യവുമായി നല്‍കാമെന്ന് പറഞ്ഞാണ് തല്‍പരകക്ഷികള്‍ നമ്മുടെ വ്യക്തിഗത വിവരങ്ങള്‍ തട്ടിയെടുക്കുന്നത്, ഇതിനെതിരെ ഓരോരുത്തരും സ്വയം സുരക്ഷിതരായിരിക്കണം – ജസ്റ്റിസ് മുന്നറിയിപ്പ് നല്‍കി.
കോളേജ് പ്രിന്‍സിപ്പാല്‍ ഡോക്ടര്‍ സുബാഷ് ജി പ്ലാത്തോട്ടം, ഇലാഹിയ ലോ കോളേജ് ചെയര്‍മാന്‍ കെ വൈ സാദിഖ് മുഹമ്മദ്, ഫാക്കല്‍റ്റി അംഗങ്ങളായ അഡ്വ. ജിജോ ആന്റണി, അഡ്വ. കൃതി, അഡ്വ. ശില്‍പ യു എസ്, കോളേജ് മാനേജര്‍ കെ എം ശംസുദ്ധീന്‍ എന്നിവര്‍ സംസാരിച്ചു.
