കോതമംഗലം: ഭൂതത്താന്‍കെട്ട് ഇടമലയാര്‍ 66 കെ.വി ടവര്‍ ലൈനിലെ 1000 കിലോ അലുമിനിയം കമ്പി മോഷ്ടിച്ച കേസ്സില്‍ 7 പേര്‍ പിടിയില്‍. വടാട്ടുപ്പാറ, ചക്കിമേട് സ്വദേശികളായ, മനയത്ത് വീട്ടില്‍ ബിനു (44), കുന്നത്തറ വീട്ടില്‍ മത്തായി (54) , കളരിക്കുടിയില്‍ വീട്ടില്‍ സാബു (44), നമ്പിള്ളില്‍ വീട്ടില്‍ ജ്യോതി കുമാര്‍ (23) , പാറയില്‍ വീട്ടില്‍ ജിബി (48), ഇടയാല്‍ വീട്ടില്‍ മനോജ് (47), തങ്കളത്ത് ആക്രികട നടത്തുന്ന കൈതക്കാട്ടില്‍ വീട്ടില്‍ ഷാജി (56) എന്നിവരെയാണ് മോഷണ മുതലുമായി കുട്ടമ്പുഴ പോലീസ് പിടികൂടിയത്.
2022 ഡിസംമ്പര്‍ 20 മുതല്‍ 2023 ജനുവരി 20 വരെയുള്ള കാലയളവിലാണ് പ്രതികള്‍ സംഘം ചേര്‍ന്ന് നിര്‍മ്മാണം നിര്‍ത്തിവച്ചിരുന്ന ഭൂതത്താന്‍കെട്ട് ഇടമലയാര്‍ 66 കെവി ടവര്‍ ലൈനിലെ 1000 കിലോ അലുമിനിയം കമ്പികള്‍ മോഷണം ചെയ്ത് തങ്കളത്തെ ആക്രികടയില്‍ വില്‍പന നടത്തിയത്.
മോഷണ സംഘത്തിലെ അംഗങ്ങളെ അലത്തൂര്‍ എളമക്കര, മാലിപ്പാറ, വടാട്ടുപ്പാറ എന്നിവടങ്ങളില്‍ നിന്ന് ഇന്‍സ്‌പെക്ടര്‍ എസ്.ഷൈന്റെ നേതൃത്വത്തില്‍ എസ്.ഐ മാരായ പി,വി.ജോര്‍ജ്ജ്, ലിബു തോമസ്, അജികുമാര്‍, എ.എസ്.ഐ പി.കെ.സുരേഷ്‌കുമാര്‍, എസ്.സി.പി.ഒ റ്റി.പി.ജോളി, ഇ.എം.നവാസ്, സി പി ഒ സി.എം.സിദ്ദിക്ക്, അനുരാജ്, എ.പി.ജിതേഷ്, അഭിലാഷ്ശിവന്‍, വിനോയികക്കാട്ടുകുടി, സില്‍ജുജോര്‍ജ് എന്നിവര്‍ ചേര്‍ന്നുള്ള അന്വേഷണ സംഘം അറസ്റ്റ് ചെയ്തത്. കേസ് രജിസ്റ്റര്‍ ചെയ്ത് 24 മണിക്കൂറിനുള്ളില്‍ മോഷണ സംഘത്തിലെ എല്ലാ പ്രതികളേയും പിടികൂടി. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
