തൃശൂര്: ഊരകം പല്ലിശ്ശേരിയില് അച്ഛനെയും മകനെയും കുത്തിക്കൊന്നു. പ്രതി കസ്റ്റഡിയില്. പല്ലിശ്ശേരി ക്ഷേത്രത്തിന് സമീപം ചന്ദ്രന്(62), ജിതിന് (32) എന്നിവരാണ് കൊല്ലപ്പെട്ടത്. വേലപ്പന് എന്നയാളാണ് കൊലപാതകത്തിന് പിന്നിലെന്ന് പൊലീസ് പറഞ്ഞു. ഇയാളെ പൊലീസ് കസ്റ്റഡിയിലെടുത്തിട്ടുണ്ട്. ചേര്പ്പ് സ്റ്റേഷനിലെ ഗുണ്ടാലിസ്റ്റില് ഉള്പ്പെട്ടയാളാണ് വേലപ്പന്. ഇന്നലെ രാത്രി പത്തരയോടെയായിരുന്നു സംഭവം. വാക്കുതര്ക്കമാണ് കൊലപാതകത്തില് കലാശിച്ചതെന്നാണ് പൊലീസിന്റെ പ്രാഥമിക നിഗമനം. കുത്തേറ്റയുടന് ഇരുവരെയും കൂര്ക്കഞ്ചേരി എലൈറ്റ് മിഷന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
