കോമണ്വെല്ത്ത് ഗെയിംസില് ട്രിപിള് ജംപില് സ്വര്ണം നേടിയ എല്ദോസ് പോളിന് ഒരു ലക്ഷം രൂപ പാരിതോഷികം നല്കി ജില്ലാ പഞ്ചായത്ത്. ജില്ലാ പഞ്ചായത്ത് കോണ്ഫറന്സ് ഹാളില് നടന്ന പരിപാടിയില് ജില്ലാ കളക്ടര് എന്. എസ്.കെ ഉമേഷ് പാരിതോഷികം കൈമാറി. 2022 ല് ഇംഗ്ലണ്ടിലെ ബിര്മിങ്ഹാമില് നടന്ന കോമണ്വെല്ത്ത് ഗെയിംസിലാണ് എല്ദോസ് പോള് സ്വര്ണം കരസ്ഥമാക്കിയത്.
കായിക താരം എന്ന നിലയില് ഇത്തരത്തിലുള്ള അനുമോദനങ്ങളും പ്രോത്സാഹനങ്ങളും വലിയ പ്രചോദനമാണെന്ന് പാരിതോഷികം ഏറ്റുവാങ്ങി കൊണ്ട് എല്ദോസ് പോള് പറഞ്ഞു. ജില്ലാ പഞ്ചായത്തിന്റെ നേതൃത്വത്തില് നടപ്പിലാക്കുന്ന ഇത്തരം പ്രോത്സാഹനങ്ങള് എല്ലാ അത്ലറ്റുകള്ക്കും പ്രയോജനമാകട്ടെയെന്നും അദ്ദേഹം പറഞ്ഞു. ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ്, വൈസ് പ്രസിഡന്റ് സനിത റഹിം, മെമ്പര്മാരായ മനോജ് മൂത്തേടന്, ശാരദ മോഹന്, ഷൈമി വര്ഗ്ഗീസ് തുടങ്ങിയര് പരിപാടിയില് പങ്കെടുത്തു.