അപമര്യാദയായി പെരുമാറിയതിനെ തുടര്ന്ന് ലോക ഒന്നാം നമ്പര് താരം നൊവാക് ജോക്കോവിച്ചിനെ യുഎസ് ഓപ്പണില് നിന്ന് അയോഗ്യനാക്കി. നാലാം റൗണ്ടിനിടെയാണ് ജോക്കോവിച്ച് മോശമായി പെരുമാറിയത്. പോയിന്റ് നഷ്ടപ്പെട്ട ദേഷ്യത്തില് താരമടിച്ച പന്ത് വനിതയായ ലൈന് റഫറിയുടെ തൊണ്ടയില് കൊണ്ടതിനെതുടര്ന്നാണ് നടപടി.
ഉടന് തന്നെ ഖേദപ്രകടനം നടത്തിയെങ്കിലും മല്സരനിയമ പ്രകാരം ജോക്കോവിച്ചിനെ അയോഗ്യനാക്കാന് മാച്ച് റഫറി തീരുമാനിക്കുകയായിരുന്നു. സ്പെയിന് താരം പാബ്ലോ കാരെനോയ്ക്കെതിരെ നടന്ന നാലാം റൗണ്ട് മല്സരത്തിനിടെയായിരുന്നു സംഭവം.
ഇതോടെ 2014ന് ശേഷം ആദ്യമായൊരു പുതിയ ഗ്രാന്സ്ലാം ചാമ്പ്യന് ഉണ്ടാവുമെന്ന് ഉറപ്പായി. മനപ്പൂര്വം ചെയ്തതല്ലെന്ന് ജോക്കോവിച്ച് വ്യക്തമാക്കി. എതിര് താരത്തിന് ഹസ്തദാനം നല്കിയാണ് ജോക്കോവിച്ച് കളം വിട്ടത്. ശേഷം സംഭവത്തില് മാപ്പ് പറയുന്നെന്ന് ജോക്കോവിച്ച് ഇന്സ്റ്റഗ്രാമില് പോസ്റ്റിട്ടു.