യുഎസ് ഓപ്പണ് ടെന്നിസ് വനിതാ വിഭാഗത്തില് ജപ്പാന്താരം നവോമി ഒസാക്ക ചാമ്പ്യന്. ഫൈനലില് ബെലാറസ് താരം വിക്ടോറിയ അസരന്കയെ മൂന്ന് സെറ്റ് നീണ്ട പോരാട്ടത്തിലാണ് ഒസാക്ക മറികടന്നത്. ആദ്യ സെറ്റ് നഷ്ടമായ ശേഷമാണ് ജപ്പാന് താരത്തിന്റെ തിരിച്ചുവരവ്.
സ്കോര് 1-6, 6-3, 6-3 ആണ്. ഒസാക്കയുടെ മൂന്നാം ഗ്രാന്സ്ലാം കിരീടമാണിത്. യുഎസ് ഓപ്പണില് താരത്തിന്റെ രണ്ടാം കിരീടനേട്ടവും.
ഇനി യുഎസ് ഓപ്പണില് പുരുഷന്മാരുടെ സിംഗിള്സ് ഫൈനലാണ്. ഓസ്ട്രിയന് താരം ഡൊമിനിക് തീമും ജര്മന് താരം അലക്സാണ്ടര് സ്വരേവുമാണ് ഏറ്റുമുട്ടുന്നത്. ഇന്ത്യന് സമയം നാളെ പുലര്ച്ചെ 1.30ന് ആണ് മത്സരം. ആദ്യ ഗ്രാന്സ്ലാം കിരീടമാണ് ഇരുവരുടെയും ലക്ഷ്യം.
അതേസമയം യുഎസ് ഓപ്പണ് ടെന്നിസ് പുരുഷ ചാമ്പ്യനെ ഇന്നറിയാം. ഫൈനലില് രണ്ടാം സീഡും ഓസ്ട്രിയന് താരവുമായ ഡൊമിനിക് തീമും, മൂന്നാം സീഡും ജര്മ്മന് താരവുമായ അലക്സാണ്ടര് സ്വരേവും ഏറ്റുമുട്ടും. ന്യൂയോര്ക്കില് ഇന്ത്യന് സമയം നാളെ പുലര്ച്ചെ 1.30 ന് മത്സരം തുടങ്ങും. കരിയറിലെ ആദ്യ ഗ്രാന്സ്ലാം കിരീടമാണ് ലക്ഷ്യമിട്ടാണ് ഇരുവരും ഇറങ്ങുന്നത്. തമ്മില് ഇതിനുമുന്പ് നേര്ക്കുനേര് വന്ന 8 മത്സരങ്ങളില് തീം ആറും സ്വെരേവ് രണ്ടും തവണ വീതവും ജയിച്ചിട്ടുണ്ട്.