വാട്സ്ആപ്പിന്റെ പുതിയ അപ്ഡേറ്റ് അനുസരിച്ച് ഒരേ സ്വഭാവമുള്ള ഗ്രൂപ്പുകളൊക്കെ ഇനി ഒരു കുടുംബമാകും. വാട്സ്ആപ്പ് കമ്മ്യൂണിറ്റീസ്’ ഫീച്ചറാണ് കമ്പനി പുതുതായി അവതരിപ്പിച്ചിരിക്കുന്നത്. ഗ്രൂപ്പുകള് തമ്മില് ബന്ധിപ്പിക്കുന്നതാണിത്.
ഒരേ പോലെയുള്ള ഗ്രൂപ്പുകളെല്ലാം ഒരു കമ്മ്യൂണിറ്റിയ്ക്ക് കീഴില് കൊണ്ടുവരാന് കഴിയും. സ്കൂളുകള്, ഓഫീസുകള്, ക്യാമ്പസ് പോലെയുള്ള ഇടങ്ങളിലെ ഗ്രൂപ്പുകളെ ഒന്നിച്ച് കൊണ്ടുവരാം. ഏകദേശം 50 ഗ്രൂപ്പുകള്ക്ക് വരെ ഒരു കമ്മ്യൂണിറ്റിയുടെ ഭാഗമാകാം. കൂടാതെ 5000 പേരടങ്ങുന്ന അനൗണ്സ്മെന്റ് ഗ്രൂപ്പും നിര്മിക്കാന് ഇതിലൂടെ കഴിയും. കമ്മ്യൂണിറ്റി അംഗങ്ങള്ക്ക് ഇഷ്ടമുള്ള വേറെ ഗ്രൂപ്പുകളില് ജോയിന് ചെയ്യാം. പക്ഷേ അഡ്മിന്മാര്ക്ക് മാത്രമേ കമ്മ്യൂണിറ്റീസ് അനൗണ്സ്മെന്റ് ഗ്രൂപ്പ് കൈകാര്യം ചെയ്യാന് സാധിക്കുകയുള്ളൂ..
വാട്സ്ആപ്പ് കമ്മ്യൂണിറ്റീസ്’ ഫീച്ചര് ലഭിക്കുന്നതിനായി ഉപയോക്താക്കള് ഏറ്റവും പുതിയ വേര്ഷനിലേക്ക് അപ്ഡേറ്റ് ചെയ്യണം. വാട്സ്ആപ്പ് അപ്ഡേറ്റ് ചെയ്തതിനുശേഷം, വാട്സാപ്പിന് മുകളിലെ പച്ച നിറത്തിലുള്ള ബാറില് കമ്മ്യൂണിറ്റീസ് എന്ന ഓപ്ഷന് തുറക്കുക. ഇതില് സ്റ്റാര്ട്ട് യുവര് കമ്മ്യൂണിറ്റി ടാപ്പ് ചെയ്ത് കമ്മ്യൂണിറ്റിയുടെ പേരും കുറിപ്പും ചിത്രവും നല്കാവുന്നതാണ്. തുടര്ന്ന്, അഡ്മിന്മാരായ വാട്സ്ആപ്പ് ഗ്രൂപ്പുകള് തിരഞ്ഞെടുത്ത് ഒരേ സ്വഭാവമുള്ള കമ്മ്യൂണിറ്റികള് രൂപീകരിക്കാവുന്നതാണ്.
കമ്മ്യൂണിറ്റി വീണ്ടും തുറക്കുമ്പോള് പച്ച നിറത്തില് പ്രത്യക്ഷപ്പെടുന്ന സ്പീക്കര് ഐക്കണ് ക്ലിക്ക് ചെയ്താല് കമ്മ്യൂണിറ്റിയില് ചേര്ത്ത എല്ലാ ഗ്രൂപ്പുകളിലേക്കും ഒരുമിച്ച് സന്ദേശം അയക്കാന് സാധിക്കും