കല്പ്പറ്റ: വയനാട് ജില്ലാ പഞ്ചായത്തില് മുസ്ലീംലീഗിലെ തര്ക്കം രൂക്ഷമായിയ കോണ്ഗ്രസുകാരനായ പ്രസിഡന്റിനെതിരെ അന്വേഷണം നടത്താന് മുസ്ലിം ലീഗ് തീരുമാനിച്ചു ലീഗ് അംഗങ്ങള്ക്ക് അഴിമതിയില് പങ്കുണ്ടോ എന്നും അന്വേഷണം നടത്തും.
ലീഗ് തെരഞ്ഞെടുപ്പുമായി ബന്ധപ്പെട്ട് ഇരു ഗ്രൂപ്പകള് തമ്മിലുടലെടുത്ത തര്ക്കമാണ് ജില്ലാ പഞ്ചായത്തിലും എത്തിയിരിക്കുന്നത്. സ്റ്റാന്ഞരിം കമ്മിറ്റി ചെയര്മാന്മാരും ലീഗ് ജില്ലാ നേതാക്കളില് ചിലരുമായി ഉടലെടുത്ത തര്ക്കമാണ് ഇപ്പോള് അന്വേഷണ കമ്മീഷനില് എത്തി നില്ക്കുന്നത്. യുഡിഎഫ് അംഗമായ ജില്ലാ പഞ്ചായത്ത് പ്രസിഡന്റ് നടത്തിയ പര്ച്ചേസിംഗ് പ്രൊജക്ടുകളിലെ അഴിമതി ആരോപണം സംബന്ധിച്ചാണ് അന്വേഷണ സമിതിയെന്നാണ് പറയുന്നത്. മുസ്ലിം ലീഗ് ജില്ലാ വൈസ് പ്രസിഡന്റ് എന് കെ റഷീദ് ഉള്പ്പടെ മൂന്നംഗ സമിതിക്കാണ് ലീഗ് രൂപം കൊടുത്തത്.
എന്നാല് ലീഗിലെ ആഭ്യന്തര തര്ക്കം പഞ്ചായത്തിലേക്കും ചിലരെത്തിച്ചുവെന്ന ആക്ഷേപമാണ് യുഡിഎഫിലെ ഭൂരിപക്ഷം അംഗങ്ങളും ഉന്നയിക്കുന്നത്. സ്റ്റാന്റിംഗ് കമ്മിറ്റി ചെയര്മാനെ ലക്ഷ്യമിട്ടാണ് അന്വേഷണമെങ്കിലും യുഡിഎഫ് ഭരണസമിതിയെ ആണ് ഇത് ബാധിക്കുന്നത്. സംഭവം വിവാദമായതോടെ ലീഗ് – കോണ്ഗ്രസ് യോഗങ്ങള് വിളിച്ചു ചേര്ക്കാനൊരുങ്ങുകയാണ് നേതാക്കള്.