ന്യൂമാഹി: വടകര മണ്ഡലം എല്.ഡി.എഫ് സ്ഥാനാര്ഥി കെ.കെ. ശൈലജയ്ക്കെതിരെ വ്യാജ പ്രചരണം നടത്തി അപമാനിച്ച സംഭവത്തില് മുസ്ലിം ലീഗ് നേതാവിനെതിരെ പോലീസ് കേസെടുത്തു. മുസ്ലിംലീഗ് ന്യൂമാഹി പഞ്ചായത്ത് സെക്രട്ടറിയും ന്യൂമാഹി പഞ്ചായത്ത് അംഗവും ന്യൂമാഹി യു.ഡി.എഫ് ചെയര്മാനുമായ ടി.എച്ച്.അസ്ലമിനെതിരെയാണ് കേസ്.
മുസ്ലിം ജനവിഭാഗം ആകെ വര്ഗീയവാദികള് ആണെന്ന് ശൈലജ പറയുന്ന രീതിയിലുളള വ്യാജ വീഡിയോ പങ്കുവെച്ച് നാട്ടില് ലഹള ഉണ്ടാക്കാന് ശ്രമിച്ചു എന്നാണ് കേസ്. മങ്ങാട് സ്നേഹതീരം എന്ന വാട്സ് ആപ്പ് ഗ്രൂപ്പിലാണ് വീഡിയോ പോസ്റ്റ് ചെയ്തത്.