കോഴിക്കോട്: കോഴിക്കോട് ലോക്‌സഭ സീറ്റ് തിരിച്ചുവേണമെന്ന് എല്‍ജെഡി നേതാവ് എം വി ശ്രേയാംസ് കുമാര്‍. കഴിഞ്ഞ ലോക്‌സഭാ തിരഞ്ഞെടുപ്പില്‍ സീറ്റ് തിരിച്ചു ചോദിച്ചിരുന്നു. അടുത്ത തവണ നല്‍കുമെന്ന് അന്നത്തെ സിപിഎം സെക്രട്ടറി കോടിയേരി ബാലകൃഷ്ണന്‍ ഉറപ്പുനല്‍കിയതാണ്. പ്രത്യേക സാഹചര്യം കണക്കിലെടുത്താണ് അന്ന് വഴങ്ങിയത്. ഇത്തവണ ഇതേ സീറ്റ് വീണ്ടും ആവശ്യപ്പെടുമെന്നും ശ്രേയാംസ് കുമാര്‍ പറഞ്ഞു.
എല്‍ജെഡി-ആര്‍ജെഡി ലയനം സോഷ്യലിസ്റ്റ് പാര്‍ട്ടികളുടെ ഐക്യത്തിന്റെ തുടക്കമെന്നും എം വി ശ്രേയാംസ് കുമാര്‍ പറഞ്ഞു. കേരളത്തില്‍ ജെഡിഎസ്സിനെ തുറന്ന മനസ്സോടെ സ്വാഗതം ചെയ്യുന്നു. സാങ്കേതിക തടസ്സങ്ങള്‍ മാത്രം ബാക്കിയാണ്. അത് മാറുമെന്നും ലയനം സാധ്യമാകുമെന്നും ശ്രേയാംസ് കുമാര്‍ വ്യക്തമാക്കി.
