കോട്ടയം: പോപ്പുലര്‍ ഫ്രണ്ട് സംസ്ഥാന നേതാവ് ഫേസ്ബുക്കിലിട്ട പോസ്റ്റ് ഷെയര്‍ ചെയ്ത സംഭവത്തില്‍ പൊലീസ് ഉദ്യോഗസ്ഥയ്ക്ക് എതിരെ നടപടിക്ക് ശുപാര്‍ശ. പൊലീസിനും കോടതിക്കും എതിരായിട്ടുള്ളതായിരുന്നു ഷെയര്‍ ചെയ്ത പോസ്റ്റ് .കാഞ്ഞിരപ്പള്ളി പൊലീസ് സ്റ്റേഷന്‍ എ എസ് ഐ റംല ഇസ്മയിനെതിരെയാണ് കോട്ടയം ജില്ലാ പൊലീസ് മേധാവി കെ കാര്‍ത്തിക്കാണ് വകുപ്പുതല നടപടിക്ക് ശുപാര്‍ശ ചെയ്തിരിക്കുന്നത്. മധ്യമേഖലാ ഡിഐജിക്കാണ് ശുപാര്‍ശ സമര്‍പ്പിച്ചിരിക്കുന്നത്.
പൊലീസിനും കോടതിക്കുമെതിരായ പോപ്പുലര്‍ ഫ്രണ്ട് നേതാവ് സംസ്ഥാന സെക്രട്ടറി സി എ റൗഫ് ഫേസ്ബുക്കില്‍ ഇട്ട പോസ്റ്റ് കാഞ്ഞിരപ്പള്ളി പൊലീസ് സ്റ്റേഷനിലെ വനിതാ എഎസ്‌ഐ റംല ഇസ്മായില്‍ ഷെയര്‍ ചെയ്തത് വിവാദത്തിലായിരുന്നു. ജൂലൈ അഞ്ചിനാണ് വിവാദമായ നടപടി ഉണ്ടായത്. ജൂലൈ അഞ്ചിന് ഫേസ്ബുക്ക് പോസ്റ്റ് ഷെയര്‍ ചെയ്തു എങ്കിലും റംലയ്‌ക്കെതിരെ നടപടി വൈകുന്നത് പ്രതിഷേധത്തിന് ഇടയാക്കിയിരുന്നു. പൊലീസിനും കോടതിക്കും എതിരായിട്ടായിരുന്നു ഫേസ്ബുക്ക് പോസ്റ്റിലെ വിമര്‍ശനം. ഇതിനിടെ ഭര്‍ത്താവ് ആണ് പോസ്റ്റ് ഷെയര്‍ ചെയ്തതെന്ന വാദം റംല ഉന്നയിച്ചിരുന്നു.
