മൂവാറ്റുപുഴയിൽ വില്ലേജ് ഓഫിസ് നിർമ്മാണം തടസപ്പെടുത്തി; എൺപതോളം കെ.എസ്.ഇ ബി ജീവനക്കാർ അറസ്റ്റിൽ
വില്ലേജ് ഓഫിസ് നിർമ്മാണം തടസപ്പെടുത്തിയ സംഭവത്തിൽ മൂവാറ്റുപുഴയിൽ നൂറോളം കെ.എസ്.ഇ ബി ജീവനക്കാർ അറസ്റ്റിൽ . രാവിലെ 11 ഓടെയാണ് സംഭവം. എക്സികുട്ടീവ് എഞ്ചിനിയർ രാജിവടക്കം മുഴുവൻ ജീവനക്കാരും കസ്ററഡിയിലാണ്. അറസ്റ്റിലായവരിൽ 15 വനിതാ ജീവനക്കാരുമുണ്ട്.
മൂവാറ്റുപുഴ KSEB NO.1 ഓഫീസ് കോമ്പൗണ്ടിൽ പണിയുന്ന മാറാടി സ്മാർട്ട് വില്ലേജ് ഓഫീസിൻ്റെ നിർമ്മാണം തടഞ്ഞ സംഭവത്തിലാണ് ജീവനക്കാർ അറസ്റ്റിലായത്. സ്ഥലത്തിന്റെ ഉടമസ്ഥാവകാശം സംമ്പന്ധിച്ച് നേരത്തെ ഇവിടെ തർക്കമുണ്ടായിരുന്നു. ഇത് കളക്ടർ ഇടപെട്ടാണ് പരിഹരിച്ചത്. തുടർന്നാണ് റവന്യു അധികൃതർ ഇവിടെ നിർമ്മാണം ആരംഭിച്ചത്. KSEB NO.1 സെക്ഷനിലെ ജീവനക്കാരെ അറസ്റ്റു ചെയ്തതിനെ തുടർന്ന് ഒഫീസിൻ്റ പ്രവർത്തനം പൂർണമായും തടസപ്പെട്ടിരിക്കുകയാണ്.
തർക്കം കോടതി കയറിയിരുന്നു. പവ്വർ സെക്രട്ടറിയും റവന്യൂ സെക്രട്ടറിയും അടങ്ങുന്ന കമ്മിറ്റി പരിശോധിച്ച് തീരുമാനിക്കാനായിരുന്നു കോടതി ഉത്തരവ്. ഇത് ലംഘിച്ച് നിർമ്മാണത്തിെയതിനാലാണ് തടഞ്ഞതെന്ന് KSEB ജീവനക്കാർ പറയുന്നു
