തിരുവനന്തപുരം : സംസ്ഥാന സര്ക്കാര് ബജറ്റില് നിര്ദേശിച്ച നികുതി, ഫീസ് വര്ധനകളും ഇളവുകളും തിങ്കളാഴ്ച മുതല് പ്രാബല്യത്തില് വരും. ഭൂമി പണയം വച്ച് വായ്പയെടുക്കുന്നതിനുള്ള ചെലവുകൂടും. ചെക്കുകേസിനും വിവാഹമോചനക്കേസിനും ഫീസ് കൂടും. പാട്ടക്കരാറിന് ന്യായവില അനുസരിച്ച് സ്റ്റാംപ് ഡ്യൂട്ടി നിലവില് വരും.
റബറിന്റെ താങ്ങുവില 170 രൂപയില്നിന്നു 180 രൂപയാകും. സ്വയം വൈദ്യുതി ഉല്പാദിപ്പിക്കുന്നവര്ക്കുള്ള തീരുവ യൂണിറ്റിന് 1.2 പൈസയില് നിന്നും 15 പൈസയായി ഉയരും. ടൂറിസ്റ്റ് ബസ് നികുതി കുറയും. സര്ക്കാര് ജീവനക്കാര്ക്ക് ഡിഎയിലും പെന്ഷന്കാര്ക്ക് ഡിആറിലും 2% ഡിഎ വര്ധന. ദേശീയപാതയില് വാളയാര് പാമ്പാംപള്ളത്തും കുതിരാന് തുരങ്കത്തിനു സമീപം പന്നിയങ്കരയിലും ഞായറാഴ്ച അര്ധരാത്രി മുതല് ടോള് നിരക്ക് കൂടും.