എറണാകുളം: കിഴക്കമ്പലത്തെ അതിഥി തൊഴിലാളികളുടെ അക്രമത്തിന്റെ ഉത്തരവാദിത്തം കിറ്റക്സിനെന്ന് പി വി ശ്രീനിജന് എംഎല്എ. സാമൂഹ്യ സുരക്ഷ ഉറപ്പാക്കേണ്ട പൊലീസിനെപ്പോലും ആക്രമിക്കുന്ന അവസ്ഥയിലേക്ക് കിറ്റക്സിലെ ജീവനക്കാര് മാറി. ഇവിടെ നേരത്തെയും അക്രമമുണ്ടായിട്ടുണ്ടെന്നും, സമഗ്ര അന്വേഷണം വേണമെന്നും ശ്രീനിജന് ആവശ്യപ്പെട്ടു. അന്യസംസ്ഥാന തൊഴിലാളികള്ക്ക് നമ്മളാരും എതിരല്ല. അവര്ക്ക് ആവശ്യമായ സൗകര്യങ്ങള് കൊടുക്കാമെന്ന് പറഞ്ഞാണ് കൊണ്ടുവരുന്നത്. അതൊന്നും കൊടുക്കുന്നില്ല. അവര് അത്രമാത്രം അസ്വസ്ഥരായിട്ടാണ് ഇവിടെ ജോലി ചെയ്യുന്നത്. നാട്ടുകാരെ അവര് ശത്രുക്കളായാണ് കാണുന്നത്. അത്തരത്തിലുള്ള പരിശീലനമാണ് അവര്ക്ക് കൊടുക്കുന്നതെന്നും ശ്രീനിജന് കുറ്റപ്പെടുത്തി.
