മലയാളികളുടെ സ്വകാര്യ അഹങ്കാരമാണ് മമ്മൂട്ടി. 1971 വര്ഷത്തിലായിരുന്നു താരം സിനിമയില് അരങ്ങേറുന്നത്. ജൂനിയര് ആര്ട്ടിസ്റ്റ് ആയിട്ടാണ് മമ്മൂക്ക സിനിമയിലെത്തുന്നത്. പിന്നീട് സ്വന്തം പ്രയത്നം കൊണ്ട് മലയാള സിനിമയിലെ സൂപ്പര് താരങ്ങളില് ഒരാള് ആയി മമ്മൂട്ടി വളര്ന്നു. മമ്മൂട്ടി സിനിമയില് എത്തിയിട്ട് 50 വര്ഷം പൂര്ത്തിയാവുകയാണ്. അടുത്തിടെ ആയിരുന്നു ഈ സന്ദര്ഭം. മോഹന്ലാല് അടക്കം ധാരാളം ആളുകള് ആയിരുന്നു താരത്തിന് ആശംസകളുമായി രംഗത്തെത്തിയത്. അതേസമയം മമ്മൂട്ടിക്ക് അര്ഹതപ്പെട്ട ചില കാര്യങ്ങള് നഷ്ടപ്പെട്ടു. ജോണ് ബ്രിട്ടാസ് പറയുന്ന ഈ കാര്യങ്ങളാണ് ഇപ്പോള് ചര്ച്ചയാകുന്നത്.
നിലവില് കേരളത്തില് നിന്നുള്ള രാജ്യസഭാ എംപിയാണ് ജോണ്ബ്രിട്ടാസ്. ഔട്ട്ലുക്ക് മാസികയില് മമ്മൂട്ടിയെ കുറിച്ച് എഴുതിയ കുറിപ്പിലാണ് ജോണ്ബ്രിട്ടാസ് ചില കാര്യങ്ങള് വെളിപ്പെടുത്തുന്നത്. വര്ഷങ്ങള്ക്കു മുമ്പാണ് മോഹന്ലാലിനും മമ്മൂട്ടിക്കും പത്മശ്രീ ലഭിക്കുന്നത്. ഏറെക്കുറെ ഒരേ സമയത്ത്. എന്നാല് 2019 വര്ഷത്തില് മോഹന്ലാലിന് പത്മഭൂഷന് ലഭിച്ചു. മമ്മൂട്ടിക്ക് ഇതുവരെ പത്മഭൂഷന് ലഭിച്ചിട്ടില്ല. ഇതിന്റെ കാരണം രാഷ്ട്രീയമാണ് എന്നാണ് ജോണ് ബ്രിട്ടാസ് ആരോപിക്കുന്നത്.
മമ്മൂട്ടി വ്യക്തമായ രാഷ്ട്രീയ കാഴ്ചപ്പാട് ഉള്ള വ്യക്തിയാണ്. ഒരിക്കല് പോലും അത് തുറന്നു പറയാന് മമ്മൂട്ടി മടി കാണിച്ചിട്ടില്ല. ആ കാരണം കൊണ്ടാണ് മമ്മൂട്ടിക്ക് ഇതുവരെ പത്മഭൂഷന് ലഭിക്കാത്തത് എന്നാണ് ജോണ് ബ്രിട്ടാസ് അവകാശപ്പെടുന്നത്. 2019 വര്ഷത്തിലാണ് മോഹന്ലാലിന് പത്മഭൂഷന് ലഭിക്കുന്നത്. മാസങ്ങള്ക്ക് മുന്പ് അതിനുള്ള സൂചനകള് ചിലര് നല്കുകയും ചെയ്തിരുന്നു. ഇതെല്ലാം രാഷ്ട്രീയ പ്രേരിതം ആയിട്ടാണ് നല്കുന്നത് എന്നതിനുള്ള ഒരു സൂചനയായി അന്നു തന്നെ ആളുകള് അതിനെ വിമര്ശിച്ചിരുന്നു.
എന്നാല് വ്യക്തിപരമായ സൗഹൃദങ്ങളില് ഒരിക്കല് പോലും രാഷ്ട്രീയം കലര്ത്താതെ വ്യക്തിയാണ് മമ്മൂട്ടി എന്നാണ് ജോണ് ബ്രിട്ടാസ് പറയുന്നത്. നിലവില് പുഴു എന്ന സിനിമയിലാണ് മമ്മൂട്ടി അഭിനയിക്കുന്നത്. പാര്വതി ആണ് സിനിമയിലെ കേന്ദ്ര കഥാപാത്രത്തെ അവതരിപ്പിക്കുന്നത്. ഇതിനു പുറമേ ഭീഷ്മപര്വ്വം എന്ന സിനിമ അണിയറയില് ലോഡിങ് ആണ്.